ਰੂਪਨਗਰ: ਸਮਾਜ ਸੇਵੀ ਸੰਸਥਾਵਾਂ ਸੈਣੀ ਭਵਨ ਰੂਪਨਗਰ ਅਤੇ ਬਜ਼ੁਰਗਾਂ ਦੇ ‘ਆਪਣਾ ਘਰ‘ ਹਵੇਲੀ ਕਲਾਂ ਦੇ ਪ੍ਰਬੰਧਕਾਂ ਨੇ ਗੁਰੂ ਨਾਨਕ ਦੇਵ ਸਪੋਰਟਸ ਕਲੱਬ ਹਵੇਲੀ ਕਲਾਂ ਦੇ ਸਹਿਯੋਗ ਨਾਲ ਗੁਰੂ ਨਾਨਕ ਦੇਵ ਸਟੇਡੀਅਮ ਹਵੇਲੀ ਕਲਾਂ ਨੂੰ ਸੁੰਦਰ ਦਿਖ ਦੇਣ ਲਈ ਸਜਾਵਟੀ ਬੂਟੇ ਲਾ ਕੇ ਵਣ ਮਹਾਉਤਸਵ ਮਨਾਇਆ ਗਿਆ। ਸਮਾਗਮ ਦਾ ਆਰੰਭ ਮੁੱਖ ਮਹਿਮਾਨ ਸੰਤ ਅਵਤਾਰ ਸਿੰਘ ਨੇ ਅਮਲਤਾਸ ਦਾ ਬੂਟਾ ਲਾ ਕੇ ਕੀਤਾ। ਉਨ੍ਹਾਂ ਪ੍ਰਬੰਧਕਾਂ ਨੂੰ ਵਾਤਾਵਰਣ ਨੂੰ ਸਵੱਛ ਬਣਾਈ ਰੱਖਣ ਅਤੇ ਸਟੇਡੀਅਮ ਨੂੰ ਖੁਬਸੂਰਤ ਰੰਗਤ ਦੇਣ ਲਈ ਕੀਤੇ ਉਪਰਾਲੇ ਲਈ ਵਧਾਈ ਦਿੱਤੀ। ਉਨ੍ਹਾਂ ਕਲੱਬ ਮੈਂਬਰਾਂ ਨੂੰ ਸਟੇਡੀਅਮ ਦੇ ਵਿਕਾਸ ਲਈ ਲੌਵੀਦੀ ਮਦਦ ਕਰਨ ਦਾ ਭਰੋਸਾ ਵੀ ਦਿੱਤਾ। -ਪੱਤਰ ਪ੍ਰੇਰਕ
ਸਬੰਧਿਤ ਖ਼ਬਰਾਂ
