ਰਮੇਸ਼ ਭਾਰਦਵਾਜ
ਲਹਿਰਾਗਾਗਾ,10 ਜੁਲਾਈ
ਨੇੜਲੇ ਪਿੰਡ ਰਾਮਗੜ੍ਹ ਸੰਧੂਆਂ ’ਚ ਕਥਿਤ ਨਸ਼ੇੜੀ ਪੁੱਤਰ ਨੇ ਪੈਸਿਆਂ ਲਈ ਆਪਣੇ 65 ਸਾਲ ਦੇ ਪਿਤਾ ਨੂੰ ਡੰਡਿਆਂ ਨਾਲ ਕਤਲ ਪੈਸੇ ਲੁੱਟ ਕੇ ਭੱਜ ਗਿਆ।ਐੱਸਐੱਚਓ ਸਦਰ ਸੁਰਿੰਦਰ ਭੱਲਾ ਨੇ ਦੱਸਿਆ ਕਿ ਮ੍ਰਿਤਕ ਦੀ ਪਛਾਣ ਸੁਖਦੇਵ ਸਿੰਘ ਪੁੱਤਰ ਹਰਕ੍ਰਿਸ਼ਨ ਸਿੰਘ ਵਜੋਂ ਹੋਈ। ਉਸ ਦੇ ਪੁੱਤਰ ਮਨਜੀਤ ਸਿੰਘ ਕਾਲਾ (32) ਖ਼ਿਲਾਫ਼ ਧਾਰਾ 302 ਅਧੀਨ ਕੇਸ ਦਰਜ ਕਰਕੇ ਲਾਸ਼ ਪੋਸਟਮਾਟਰਮ ਲਈ ਸਿਵਲ ਹਸਪਤਾਲ ਭੇਜ ਦਿੱਤੀ ਹੈ। ਸੁਖਦੇਵ ਸਿੰਘ ਦੇ ਦੋ ਬੱਚੇ ਲੜਕੀ ਅਤੇ ਲੜਕਾ ਹਨ ਅਤੇ ਲੜਕੀ ਵਿਆਹੀ ਹੋਈ ਹੈ ਪਰ ਲੜਕਾ ਮਨਜੀਤ ਸਿੰਘ ਲੰਬੇ ਸਮੇਂ ਤੋਂ ਨਸ਼ੇ ਕਰਦਾ ਸੀ। ਸੁਖਦੇਵ ਨੇ ਕੁਝ ਦਿਨ ਪਹਿਲਾਂ ਆਪਣੇ ਘਰ ਦੀ ਜ਼ਮੀਨ ਵੀਹ ਹਜ਼ਾਰ ਵਿੱਚ ਵੇਚੀ ਸੀ ਤੇ ਬੀਤੇ ਦਿਨ ਹੀ ਪੈਸੇ ਮਿਲੇ ਸਨ। ਉਸ ਦਾ ਪੁੱਤ ਪਿਤਾ ਨੂੰ ਕਤਲ ਕਰਕੇ ਪੈਸੇ ਲੈ ਕੇ ਫ਼ਰਾਰ ਹੋ ਗਿਆ। ਕਾਤਲ ਦੀ ਮਾਤਾ ਤਿੰਨ ਸਾਲ ਪਹਿਲਾਂ ਮਰ ਚੁੱਕੀ ਹੈ ਤੇ ਪਤਨੀ ਛੱਡ ਗਈ ਸੀ।
