ਪੰਜਾਬੀ ਟ੍ਰਿਬਿਊਨ ਵੈੱਬ ਡੈੱਸਕ
ਚੰਡੀਗੜ੍ਹ, 29 ਜਨਵਰੀ
ਚੰਡੀਗੜ੍ਹ ਦੇ ਸਹਿਰਦ ਲੋਕਾਂ ਦੇ ਗਰੁੱਪ ‘ਫਰੈਂਡਜ਼ ਆਫ ਫਾਰਮਰਜ਼’ ਨੇ ਕਿਸਾਨ ਅੰਦੋਲਨ ਦੇ ਹੱਕ ਵਿੱਚ ਅੱਜ ਸ਼ਾਮ 5 ਵਜੇ ਤੋਂ 7 ਵਜੇ ਤੱਕ ਚੰਡੀਗੜ੍ਹ ਦੇ ਮਟਕਾ ਚੌਕ ਵਿੱਚ ਸ਼ਾਂਤਮਈ ਪ੍ਰਦਰਸ਼ਨ ਕਰਨ ਦਾ ਐਲਾਨ ਕੀਤਾ ਹੈ। ਜਥੇਬੰਦੀ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਇਸ ਸ਼ਾਂਤਮਈ ਪ੍ਰਦਰਸ਼ਨ ਵਿੱਚ ਹਿੱਸਾ ਲੈਣ ਤੇ ਕਿਸਾਨ ਸੰਘਰਸ਼ ਨਾਲ ਇਕਮੁੱਠਤਾ ਪ੍ਰਗਟਾਉਣ। ਜਥੇਬੰਦੀ ਨੇ ਸੋਸ਼ਲ ਮੀਡੀਆ ’ਤੇ ਭਾਰਤੀ ਕਿਸਾਨ ਯੂਨੀਅਨ ਦੇ ਨੇਤਾ ਰਾਕੇਸ਼ ਟਿਕੈਤ ਦੀ ਹੌਸਲਾ ਅਫ਼ਜਾਈ ਕਰਦਿਆਂ ਕਿਹਾ ਹੈ,‘ ਧੱਕੇ ਦੇ ਖ਼ਿਲਾਫ਼ ਹੋਕਾ, ਜਜ਼ਬਾਤਾਂ ਨਾਲ ਉਹਨੇ ਇੰਝ ਦਿੱਤਾ, ਅੰਦੋਲਨ ਦੇ ਮੁਰਝਾਏ ਬੂਟੇ ਨੂੰ, ਫਿਰ ਹੰਝੂਆਂ ਨਾਲ ਉਹਨੇ ਸਿੰਝ ਦਿੱਤਾ।
