ਡੇਰਾਬੱਸੀ (ਹਰਜੀਤ ਸਿੰਘ): ਇਥੋਂ ਨੇੜਲੇ ਪਿੰਡ ਬੇਹੜਾ ਸਥਿਤ ਦੋ ਪੋਲਟਰੀ ਫਾਰਮਾਂ ਵਿੱਚ ਬਰਡ ਫਲੂ ਦੀ ਪੁਸ਼ਟੀ ਹੋ ਗਈ ਹੈ। ਸੈਂਪਲਾਂ ਦੀ ਰਿਪੋਰਟ ਜਲੰਧਰ ਲੈਬ ਤੋਂ ਬਾਅਦ ਹੁਣ ਭੁਪਾਲ ਲੈਬ ਤੋਂ ਵੀ ਪਾਜ਼ੇਟਿਵ ਆਈ ਹੈ। ਪ੍ਰਸ਼ਾਸਨ ਹੁਣ ਭਲਕ ਤੋਂ ਦੋਵਾਂ ਪੋਲਟਰੀ ਫਾਰਮਾਂ ਦੀ ਮੁਰਗੀਆਂ ਨੂੰ ਮਾਰਨਾ ਸ਼ੁਰੂ ਕਰੇਗਾ। ਦੱਸਣਯੋਗ ਹੈ ਕਿ ਪਸ਼ੂ ਪਾਲਣ ਵਿਭਾਗ ਨੇ ਡੇਰਾਬੱਸੀ ਦੇ ਵੱਖ-ਵੱਖ ਪੋਲਟਰੀ ਫਾਰਮਾਂ ਵਿੱਚੋਂ 300 ਦੇ ਕਰੀਬ ਸੈਂਪਲ ਜਲੰਧਰ ਲੈਬ ਵਿੱਚ ਜਾਂਚ ਲਈ ਭੇਜੇ ਗਏ ਸਨ। ਜਲੰਧਰ ਲੈਬ ਨੇ ਪਿੰਡ ਬੇਹੜਾ ਸਥਿਤ ਪੋਲਟਰੀ ਫਾਰਮਾਂ ਦੀ ਰਿਪੋਰਟ ਸ਼ੱਕੀ ਦੱਸੀ ਸੀ ਜਿਨ੍ਹਾਂ ਦੇ ਸੈਂਪਲਾਂ ਨੂੰ ਅੰਤਿਮ ਪੁਸ਼ਟੀ ਲਈ ਭੁਪਾਲ ਲੈਬ ਵਿੱਚ ਭੇਜਿਆ ਗਿਆ ਸੀ।
ਸਬੰਧਿਤ ਖ਼ਬਰਾਂ
