ਆਤਿਸ਼ ਗੁਪਤਾ
ਚੰਡੀਗੜ੍ਹ, 20 ਮਾਰਚ
ਪੰਜਾਬ ਵਿਚ ‘ਆਪ’ ਸਰਕਾਰ ਦੇ ਗਠਨ ਮਗਰੋਂ ਸੂਬੇ ਦੀਆਂ ਪੰਜ ਰਾਜ ਸਭਾ ਸੀਟਾਂ ਲਈ ਉਮੀਦਵਾਰਾਂ ਦੀਆਂ ਨਾਮਜ਼ਦਗੀਆਂ ਬਾਰੇ ਅਜੇ ਤੱਕ ਵੀ ਕੁਝ ਸਪੱਸ਼ਟ ਨਹੀਂ ਹੈ। ਰਾਜ ਸਭਾ ਦੀ ਚੋਣ ਲਈ ਨਾਮਜ਼ਦਗੀਆਂ ਭਰਨ ਦੀ ਅੰਤਿਮ ਤਰੀਕ 21 ਮਾਰਚ ਹੈ ਅਤੇ 24 ਮਾਰਚ ਤੱਕ ਨਾਂ ਵਾਪਸ ਲਏ ਜਾਣਗੇ। ਵੋਟਾਂ 31 ਮਾਰਚ ਨੂੰ ਪੈਣਗੀਆਂ। ਸੂਤਰਾਂ ਮੁਤਾਬਕ ਪੰਜ ਵਿਚੋਂ ਦੋ ਸੀਟਾਂ ’ਤੇ ਮੈਂਬਰ ‘ਆਪ’ ਦਿੱਲੀ ਤੋਂ ਲਿਆਉਣ ਦੀ ਤਿਆਰੀ ਕਰ ਰਹੀ ਹੈ ਅਤੇ ਤਿੰਨ ਸੀਟਾਂ ਪੰਜਾਬ ਨਾਲ ਸਬੰਧਤ ਮੈਂਬਰਾਂ ਨੂੰ ਦਿੱਤੀਆਂ ਜਾਣਗੀਆਂ। ਇਨ੍ਹਾਂ ਸੀਟਾਂ ਲਈ ਕ੍ਰਿਕਟਰ ਹਰਭਜਨ ਸਿੰਘ, ਰਾਘਵ ਚੱਢਾ, ਸੰਦੀਪ ਪਾਠਕ ਤੇ ਦੋ ਕਾਰੋਬਾਰੀਆਂ ਦੇ ਨਾਂ ਚਰਚਾ ਵਿਚ ਹੈ।
