ਬਸੀ ਪਠਾਣਾਂ: ਬਸੀ ਪਠਾਣਾਂ ਦੇ ਸਰਕਾਰੀ ਐਲੀਮੈਂਟਰੀ ਸਕੂਲ ਨੰਬਰ-3 ਨੂੰ ਅੱਜ ਪਰਵਾਸੀ ਭਾਰਤੀ ਕਰਮਵੀਰ ਸਿੰਘ ਚੀਮਾ ਵੱਲੋਂ ਕਰੋਨਾ ਲਾਗ ਤੋਂ ਬਚਾਓ ਲਈ ਸੰਪਰਕ ਰਹਿਤ ਸੈਨੀਟਾਈਜ਼ਰ ਯੂਨਿਟ ਦਾਨ ਕੀਤਾ ਗਿਆ। ਅਧਿਆਪਕਾ ਰਾਜਿੰਦਰ ਕੌਰ, ਗੁਰਪ੍ਰੀਤ ਕੌਰ, ਸੰਦੀਪ ਕੌਰ, ਬਲਜਿੰਦਰ ਕੌਰ ਅਤੇ ਸਰਬਜੀਤ ਕੌਰ ਦੀ ਮੌਜੂਦਗੀ ’ਚ ਲਾਇਨਜ਼ ਕਲੱਬ ਦੇ ਸਾਬਕਾ ਪ੍ਰਧਾਨ ਅਤੇ ਸਮਾਜ ਸੇਵੀ ਗੁਰਮੀਤ ਸਿੰਘ ਨੇ ਦੱਸਿਆ ਕਿ ਇਹ ਸੈਨੀਟਾਈਜ਼ਰ ਯੂਨਿਟ ਕਰੋਨਾ ਮਹਾਮਾਰੀ ਤੋਂ ਬਾਅਦ ਵੀ ਫ਼ਾਇਦਾ ਦੇਵੇਗਾ ਕਿਉਂਕਿ ਕਰੋਨਾ ਦੇ ਜਾਣ ਤੋਂ ਬਾਅਦ ਵੀ ਸਾਨੂੰ ਆਪਣੀ ਜੀਵਨ ਸ਼ੈਲੀ ਵਿੱਚ ਬਦਲਾਓ ਲਿਆਣੇ ਪੈਣਗੇ। ਉਨ੍ਹਾਂ ਨੇ ਸਕੂਲ ਲਈ ਹੋਰ ਸੇਵਾਵਾਂ ਦਿੰਦੇ ਰਹਿਣ ਦਾ ਵੀ ਵਿਸ਼ਵਾਸ ਦਿਵਾਇਆ। -ਪੱਤਰ ਪ੍ਰੇਰਕ
