ਪੱਤਰ ਪ੍ਰੇਰਕ
ਅਟਾਰੀ, 19 ਅਪਰੈਲ
ਭਾਰਤ-ਪਾਕਿਸਤਾਨ ਸਰਹੱਦ ’ਤੇ ਤਾਇਨਾਤ ਸੀਮਾ ਸੁਰੱਖਿਆ ਬਲ ਦੀ 144ਵੀਂ ਬਟਾਲੀਅਨ ਦੇ ਜਵਾਨਾਂ ਨੇ ਸਰਹੱਦੀ ਚੌਕੀ ਦਾਉਕੇ ਨੇੜਿਓਂ ਗਸ਼ਤ ਦੌਰਾਨ ਅੱਜ ਚਾਰ ਕਿਲੋ ਹੈਰੋਇਨ (4 ਪੈਕਟ) ਸਮੇਤ ਇੱਕ ਪਿਸਤੌਲ, ਇੱਕ ਮੈਗਜ਼ੀਨ ਅਤੇ 37 ਰੌਂਦ ਬਰਾਮਦ ਕੀਤੇ ਹਨ। ਸਰਹੱਦ ਤੋਂ ਬਰਾਮਦ ਹੋਈ ਇਸ ਹੈਰੋਇਨ ਦੀ ਕੌਮਾਂਤਰੀ ਬਾਜ਼ਾਰ ਵਿੱਚ ਕੀਮਤ 20 ਕਰੋੜ ਰੁਪਏ ਹੈ। ਜਾਣਕਾਰੀ ਅਨੁਸਾਰ ਭਾਰਤ-ਪਾਕਿਸਤਾਨ ਸਰਹੱਦ ’ਤੇ ਗਸ਼ਤ ਕਰ ਰਹੇ ਸੀਮਾ ਸੁਰੱਖਿਆ ਬਲ ਦੇ ਜਵਾਨਾਂ ਨੇ ਸਰਹੱਦੀ ਚੌਕੀ ਦਾਉਕੇ ਨੇੜੇ ਕੰਡਿਆਲੀ ਤਾਰ ਤੋਂ ਪਾਰ ਇੱਕ ਖੇਤ ਵਿੱਚੋਂ ਇੱਕ ਨੀਲੇ ਰੰਗ ਦਾ ਬੈਗ ਬਰਾਮਦ ਕੀਤਾ ਸੀ, ਜਿਸ ਦੀ ਜਾਂਚ ਦੌਰਾਨ ਉਸ ਵਿੱਚੋਂ 4 ਪੈਕੇਟ ਹੈਰੋਇਨ (4 ਕਿਲੋਗ੍ਰਾਮ), ਇੱਕ ਪਿਸਤੌਲ (ਇਟਲੀ ਮਾਰਕਾ), ਇੱਕ ਮੈਗਜ਼ੀਨ ਅਤੇ 37 ਰੌਂਦ ਬਰਾਮਦ ਹੋਏ।
