ਫ਼ਤਹਿਗੜ੍ਹ ਚੂੜੀਆਂ (ਪੱਤਰ ਪ੍ਰੇਰਕ): ਪਿੰਡ ਛਿਛਰੇਵਾਲ ਵਿੱਚ ਪਤੀ-ਪਤਨੀ ਨੇ ਫਾਹਾ ਲੈ ਕੇ ਖ਼ੁਦਕੁਸ਼ੀ ਕਰ ਲਈ ਹੈ। ਮ੍ਰਿਤਕਾਂ ਦੀ ਪਛਾਣ ਰਾਜੂ ਮਸੀਹ (32) ਅਤੇ ਉਸ ਦੀ ਪਤਨੀ ਸ਼ਬਨਮ (30) ਵਾਸੀ ਛਿਛਰੇਵਾਲ ਵਜੋਂ ਹੋਈ ਹੈ। ਪਿੰਡ ਵਾਸੀਆਂ ਨੇ ਦੱਸਿਆ ਕਿ ਰਾਜੂ ਮਸੀਹ ਅਤੇ ਉਸ ਦੀ ਪਤਨੀ ਸ਼ਬਨਮ ਦੋਵੇਂ ਘਰ ਵਿੱਚ ਇਕੱਲੇ ਹੀ ਰਹਿੰਦੇ ਸੀ। ਰਾਜੂ ਮਸੀਹ ਦਾ ਸ਼ਬਨਮ ਨਾਲ ਦੂਜਾ ਵਿਆਹ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਰਾਜੂ ਮਸੀਹ ਅਤੇ ਸ਼ਬਨਮ ਦੀ ਕੋਈ ਔਲਾਦ ਨਹੀਂ ਸੀ। ਪਿੰਡ ਵਾਸੀਆਂ ਅਨੁਸਾਰ ਸ਼ਬਨਮ ਨੇ ਉਸ ਵੇਲੇ ਫਾਹਾ ਲੈ ਕੇ ਖ਼ੁਦਕੁਸ਼ੀ ਕੀਤੀ ਜਦੋਂ ਉਸ ਦਾ ਪਤੀ ਰਾਜੂ ਮਸੀਹ ਘਰ ਤੋਂ ਬਾਹਰ ਕੰਮ ’ਤੇ ਗਿਆ ਹੋਇਆ ਸੀ। ਰਾਜੂ ਮਸੀਹ ਨੇ ਜਦੋਂ ਘਰ ਆ ਕੇ ਦੇਖਿਆ ਕਿ ਉਸ ਦੀ ਪਤਨੀ ਨੇ ਖ਼ੁਦਕੁਸ਼ੀ ਕਰ ਲਈ ਹੈ ਤਾਂ ਉਸ ਨੇ ਪਤਨੀ ਦੀ ਲਾਸ਼ ਉਤਾਰ ਕੇ ਘਰ ਦੇ ਬਾਹਰ ਜਾ ਕੇ ਆਪ ਵੀ ਖ਼ੁਦਕੁਸ਼ੀ ਕਰ ਲਈ।
ਸਬੰਧਿਤ ਖ਼ਬਰਾਂ
