ਜਗਤਾਰ ਸਿੰਘ ਨਹਿਲ
ਲੌਂਗੋਵਾਲ, 20 ਫਰਵਰੀ
ਸ਼ਹੀਦ ਭਾਈ ਮਤੀ ਦਾਸ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਲੌਂਗੋਵਾਲ ਦੇ ਬੂਥ ਨੰਬਰ 58 ਦੀ ਈਵੀਐੱਮ ਖਰਾਬ ਹੋਣ ਕਾਰਨ ਵੋਟਾਂ ਪੈਣ ਦਾ ਕੰਮ ਰੁਕ ਗਿਆ। ਕਾਫੀ ਸਮੇਂ ਤੱਕ ਮਸ਼ੀਨ ਠੀਕ ਕਰਨ ਲਈ ਕੋਈ ਵੀ ਟੀਮ ਨਹੀਂ ਪਹੁੰਚੀ। ਤਕਰੀਬਨ ਅੱਧਾ ਘੰਟਾ ਲੋਕਾਂ ਦੀਆਂ ਲੰਮੀਆਂ ਲਾਈਨਾਂ ਲੱਗੀਆਂ ਰਹੀਆਂ, ਜਿਨ੍ਹਾਂ ਵਿੱਚ ਅਕਾਲੀ ਦਲ ਅੰਮ੍ਰਿਤਸਰ ਦੇ ਉਮੀਦਵਾਰ ਅੰਮ੍ਰਿਤਪਾਲ ਸਿੰਘ ਸਿੱਧੂ ਵੀ ਸਨ।
ਲਹਿਰਾਗਾਗਾ(ਰਮੇਸ਼ ਭਾਰਦਵਾਜ): ਵਿਧਾਨ ਸਭਾ ਹਲਕਾ ਲਹਿਰਾਗਾਗਾ ਅੰਦਰ ਮਾਰਕੀਟ ਕਮੇਟੀ ’ਚ ਬਣੇ ਪੋਲਿੰਗ ਬੂਥ ਨੰਬਰ 31 ਅਤੇ ਪੋਲਿੰਗ ਬੂਥ 38 ’ਚ ਏਵੀਐੱਮ ਸਵੇਰੇ ਖਰਾਬ ਹੋਣ ਕਰਕੇ ਡੇਢ ਘੰਟੇ ਵੋਟਿੰਗ ਬੰਦ ਰਹੀ। ਚੋੋਣ ਅਧਿਕਾਰੀ ਕਮ ਐੱਸਡੀਐੱਮ ਨਵਰੀਤ ਕੌਰ ਸੇਖੋਂ ਨੇ ਖ਼ਰਾਬ ਮਸ਼ੀਨਾਂ ਦੀ ਜਾਣਕਰੀ ਮਿਲਣ ਬਾਅਦ ਉਨ੍ਹਾਂ ਨੂੰ ਤੁਰੰਤ ਬਦਲ ਦਿੱਤਾ ਹੈ।
