ਪੀਪੀ ਵਰਮਾ
ਪੰਚਕੂਲਾ 23, ਜੁਲਾਈ
ਪੰਚਕੂਲਾ ਦੇ ਡੰਪਿੰਗ ਗਰਾਊਂਡ ਕੋਲ ਹਾਦਸੇ ਵਿੱਚ ਮੋਟਰਸਾਈਕਲ ਸਵਾਰ ਦੀ ਮੌਤ ਹੋ ਗਈ। ਟ੍ਰੈਫਿਕ ਇੰਸਪੈਕਟਰ ਸੁਖਦੇਵ ਸਿੰਘ ਅਨੁਸਾਰ ਮ੍ਰਿਤਕ ਦੀ ਪਛਾਣ ਨਹੀਂ ਹੋਈ। ਮੋਟਰਸਾਈਕਲ ਦਾ ਨੰਬਰ ਦਿੱਲੀ ਦਾ ਹੈ। ਇਹ ਵਿਅਕਤੀ ਟਰੈਕਟਰ-ਟਰਾਲੀ ਨੂੰ ਕਰਾਸ ਕਰ ਰਿਹਾ ਸੀ ਤਾਂ ਅੱਗੋਂ ਆ ਰਹੀ ਕਾਰ ਨੇ ਬਰੇਕ ਲਗਾ ਦਿੱਤੀ, ਜਿਸ ਕਰਨ ਇਹ ਮੋਟਰਸਾਈਕਲ ਸਵਾਰ ਇਹ ਡਿੱਗ ਕੇ ਟਰੈਕਟਰ ਦੇ ਥੱਲੇ ਆ ਗਿਆ।ਟਰੈਕਟਰ ਚਾਲਕ ਮੌਕੇ ਤੋਂ ਫਰਾਰ ਹੋ ਗਿਆ।
ਅਜੀਤਵਾਲ(ਗੁਰਪ੍ਰੀਤ ਦੌਧਰ): ਥਾਣਾ ਬੱਧਨੀ ਕਲਾਂ ਦੇ ਅਧੀਨ ਪਿੰਡ ਮੱਲੇਆਣਾ ਵਿਖੇ ਕਾਰ ਸਵਾਰ ਨੇ ਸਕੂਟਰੀ ਸਵਾਰ ਵਿਅਕਤੀ ਨੂੰ ਟੱਕਰ ਮਾਰ ਦਿੱਤੀ, ਜਿਸ ਦੀ ਇਲਾਜ ਦੌਰਾਨ ਮੌਤ ਹੋ ਗਈ। ਪੁਲੀਸ ਨੇ ਕਾਰ ਚਾਲਕ ਨੂੰ ਕਾਬੂ ਕਰ ਮਾਮਲਾ ਦਰਜ ਕਰ ਲਿਆ ਹੈ। ਥਾਣਾ ਬੱਧਨੀ ਕਲਾਂ ਦੇ ਸਹਾਇਕ ਥਾਣੇਦਾਰ ਚਮਕੌਰ ਸਿੰਘ ਨੇ ਦੱਸਿਆ ਕਿ ਦਲਜੀਤ ਸਿੰਘ ਪੁੱਤਰ ਰੂਪ ਸਿੰਘ ਵਾਸੀ ਪਿੰਡ ਮੱਲੇਆਣਾ ਮੁਤਾਬਕ ਉਸ ਦਾ ਪਿਤਾ ਅਪਣੀ ਸਕੂਟਰੀ ’ਤੇ ਪਿੰਡ ਵਿਚ ਜਾ ਰਿਹਾ ਸੀ ਤਾਂ ਕਾਰ ਚਾਲਕ ਪ੍ਰਗਟ ਸਿੰਘ ਨੇ ਸਕੂਟਰੀ ਨੂੰ ਟੱਕਰ ਮਾਰ ਦਿੱਤੀ।
