ਘਨੌਲੀ (ਪੱਤਰ ਪ੍ਰੇਰਕ): ਇੱਥੇ ਅੱਜ ਕੌਮੀ ਮਾਰਗ 205 ’ਤੇ ਪਿੰਡ ਅਹਿਮਦਪੁਰ ਨੇੜੇ ਮੋਟਰਸਾਈਕਲ ਸਵਾਰ ਦੀ ਮੌਤ ਹੋ ਗਈ, ਜਦੋਂਕਿ ਬੱਚੀ ਸਣੇ ਤਿੰਨ ਵਿਅਕਤੀ ਜ਼ਖਮੀ ਹੋ ਗਏ। ਮ੍ਰਿਤਕ ਅਸ਼ੀਸ਼ (24) ਪੁੱਤਰ ਅਨਿਲ ਕੁਮਾਰ ਵਾਸੀ ਸਾਹਨੇਵਾਲ ਦੇ ਭਰਾ ਅਨੁਜ ਨੇ ਦੱਸਿਆ ਕਿ ਉਹ ਆਪਣੇ ਭਰਾ ਅਸ਼ੀਸ਼ ਤੇ ਭਰਜਾਈ ਅੰਜਲੀ ਤੇ ਭਤੀਜੀ ਅਨੂ ਸਣੇ ਮੋਟਰਸਾਈਕਲ ਰਾਹੀਂ ਨੈਣਾ ਦੇਵੀ ਤੋਂ ਮੱਥਾ ਟੇਕ ਕੇ ਵਾਪਸ ਪਰਤ ਰਹੇ ਸਨ। ਅਹਿਮਦਪੁਰ ਪਿੰਡ ਨੇੜੇ ਅਚਾਨਕ ਮੋਟਰਸਾਈਕਲ ਸਲਿੱਪ ਕਰ ਗਿਆ, ਜਿਸ ਦੌਰਾਨ ਉਸ ਦੇ ਭਰਾ ਅਸ਼ੀਸ਼ ਦੀ ਮੌਤ ਹੋ ਗਈ ਤੇ ਉਹ ਤਿੰਨੋਂ ਜਣੇ ਜ਼ਖਮੀ ਹੋ ਗਏ।