ਬਠਿੰਡਾ (ਨਿੱਜੀ ਪੱਤਰ ਪ੍ਰੇਰਕ/ਪੱਤਰ ਪ੍ਰੇਰਕ):
ਸਹਾਰਾ ਸੰਸਥਾ ਨੇ ਇੱਥੋਂ ਦੇ ਮੱਛੀ ਬਾਜ਼ਾਰ, ਨਵੀਂ ਬਸਤੀ, ਸਿਰਕੀ ਬਾਜ਼ਾਰ ਅਤੇ ਸਰਹਿੰਦ ਨਹਿਰ ਨੇੜਿਓਂ ਰਾਜਿੰਦਰ ਕੁਮਾਰ, ਵਿੱਕੀ ਕੁਮਾਰ, ਜੱਗਾ ਅਤੇ ਟੇਕ ਚੰਦ ਨਾਂ ਦੇ ਚਾਰ ਵਿਅਕਤੀਆਂ ਨੂੰ ਬੇਹੋਸ਼ੀ ਦੇ ਆਲਮ ’ਚ ਚੁੱਕਿਆ। ਸਹਾਰਾ ਦਫ਼ਤਰ ਲਿਜਾ ਕੇ ਉਨ੍ਹਾਂ ਨੂੰ ਨਹਾਉਣ ਮਗਰੋਂ ਓਆਰਐੱਸ ਦਾ ਘੋਲ ਪਿਲਾਇਆ ਗਿਆ, ਜਿਸ ਤੋਂ ਬਾਅਦ ਉਹ ਠੀਕ ਹੋ ਗਏ। ਇਸੇ ਤਰ੍ਹਾਂ ਨਵੀਂ ਬਸਤੀ ਗਲੀ ਨੰਬਰ 6 ਵਿੱਚੋਂ ਇੱਕ ਅਣਪਛਾਤੇ ਵਿਅਕਤੀ ਨੂੰ ਬੇਹੋਸ਼ੀ ਦੀ ਹਾਲਤ ’ਚ ਹਸਪਤਾਲ ਪਹੁੰਚਾਇਆ ਗਿਆ, ਜਿੱਥੇ ਡਾਕਟਰਾਂ ਵੱਲੋਂ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ ਗਿਆ।