ਪੱਤਰ ਪ੍ਰੇਰਕ
ਸ੍ਰੀ ਫਤਹਿਗੜ੍ਹ ਸਾਹਿਬ, 13 ਅਕਤੂਬਰ
ਪਿੰਡ ਚੁੰਨੀਮਾਜਰਾ ਦੇ ਬੀਤੇ ਕੁਝ ਦਿਨ ਤੋਂ ਲਾਪਤਾ 75 ਸਾਲਾ ਬਜ਼ੁਰਗ ਕਰਨੈਲ ਸਿੰਘ ਦੀ ਲਾਸ਼ ਭਾਖੜਾ ਨਹਿਰ ’ਚੋਂ ਮਿਲੀ।
ਸਿਵਲ ਹਸਪਤਾਲ ਫ਼ਤਹਿਗੜ੍ਹ ਸਾਹਿਬ ਵਿੱਚ ਮ੍ਰਿਤਕ ਦੇ ਭਤੀਜੇ ਤਰਨਪ੍ਰੀਤ ਸਿੰਘ ਨੇ ਦੱਸਿਆ ਕਿ ਕਰਨੈਲ ਸਿੰਘ ਜੋ ਮਾਨਸਿਕ ਤੌਰ ’ਤੇ ਪ੍ਰੇਸ਼ਾਨ ਸਨ, ਬੀਤੀ 9 ਅਕਤੂਬਰ ਨੂੰ ਬਿਨਾਂ ਕੁਝ ਦੱਸੇ ਘਰੋਂ ਚਲੇ ਗਏ ਸਨ। ਭਾਲ ਦੌਰਾਨ ਉਨ੍ਹਾਂ ਦਾ ਸਾਈਕਲ ਪਿੰਡ ਰਿਉਣਾ ਨੇੜੇ ਨਹਿਰ ਕੰਢਿਉਂ ਮਿਲਿਆ ਸੀ ਤੇ ਲਾਸ਼ ਅੱਜ ਗੰਢਾਖੇੜੀ ਨੇੜਿਉਂ ਲੰਘਦੀ ਭਾਖੜਾ ਨਹਿਰ ਵਿੱਚੋਂ ਮਿਲੀ ਹੈ। ਬਡਾਲੀ ਆਲਾ ਸਿੰਘ ਦੀ ਪੁਲੀਸ ਨੇ ਲਾਸ਼ ਕਬਜ਼ੇ ’ਚ ਲੈ ਕੇ ਪੋਸਟ ਮਾਰਟਮ ਲਈ ਸਿਵਲ ਹਸਪਤਾਲ ਦੀ ਮੌਰਚਰੀ ’ਚ ਰਖਵਾ ਦਿੱਤੀ ਹੈ।
