ਰਮੇਸ਼ ਭਾਰਦਵਾਜ
ਲਹਿਰਾਗਾਗਾ, 21 ਨਵੰਬਰ
ਇਥੋਂ ਨੇੜਲੇ ਪਿੰਡ ਸੰਗਤੀਵਾਲਾ ’ਚ ਵਾਪਰੇ ਹਾਦਸੇ ’ਚ ਇਕ ਬਜ਼ੁਰਗ ਟਰੈਕਟਰ ਹੇਠ ਦਰੜਿਆ ਗਿਆ ਜਦੋਂਕਿ ਦੂਜੇ ਦੀ ਟਰੈਕਟਰ ਤੋਂ ਡਿੱਗਣ ਕਰਕੇ ਮੌਕੇ ਹੋ ਗਈ। ਪਿੰਡ ਸੰਗਤੀਵਾਲਾ ਦਾ ਗੁਰਨਾਮ ਸਿੰਘ (80) ਪਿੰਡ ਦੀ ਧਰਮਸ਼ਾਲਾ ਕੋਲ ਕੁਰਸੀ ’ਤੇ ਬੈਠਾ ਸੀ ਕਿ ਪਿੰਡ ਭਾਈ ਕੀ ਪਿਸ਼ੋਰ ਦੇ ਵਸਨੀਕ ਗੁਰਦੀਪ ਸਿੰਘ ਘੋਗੜ ਪੁੱਤਰ ਨੈਬ ਸਿੰਘ, ਜੋ ਕਥਿਤ ਸ਼ਰਾਬੀ ਹਾਲਤ ਵਿੱਚ ਸੀ, ਨੇ ਟਰੈਕਟਰ ’ਤੇ ਸੰਤੁਲਣ ਗੁਆ ਕੇ ਗੁਰਨਾਮ ਸਿੰਘ ਨੂੰ ਦਰੜ ਦਿੱਤਾ। ਇਸ ਦੌਰਾਨ ਟਰੈਕਟਰ ’ਤੇ ਬੈਠੇ ਜਗਜੀਤ ਸਿੰਘ ਪੁੱਤਰ ਭਜਨ ਸਿੰਘ ਵਾਸੀ ਸੰਗਤੀਵਾਲਾ ਦੀ ਵੀ ਡਿੱਗਣ ਕਰਕੇ ਮੌਤ ਹੋ ਗਈ। ਹਾਦਸੇ ਮਗਰੋਂ ਟਰੈਕਟਰ ਚਾਲਕ ਮੌਕੇ ਤੋਂ ਫ਼ਰਾਰ ਹੋ ਗਿਆ। ਪੁਲੀਸ ਨੇ ਮੌਕੇ ’ਤੇ ਪਹੁੰਚ ਕੇ ਮ੍ਰਿਤਕ ਦੇ ਪੁੱਤਰ ਅਮਰੀਕ ਸਿੰਘ ਦੇ ਬਿਆਨਾਂ ’ਤੇ ਚਾਲਕ ਗੁਰਦੀਪ ਸਿੰਘ ਘੋਗੜ ਖਿਲਾਫ਼ ਕੇਸ ਦਰਜ ਕਰਕੇ ਲਾਸ਼ਾਂ ਨੂੰ ਪੋੋਸਟ ਮਾਟਰਮ ਲਈ ਸਿਵਲ ਹਸਪਤਾਲ ਭੇਜ ਦਿੱਤਾ ਹੈ।
