ਪੱਤਰ ਪ੍ਰੇਰਕ
ਅਟਾਰੀ, 11 ਫਰਵਰੀ
ਸੀਮਾ ਸੁਰੱਖਿਆ ਬਲ ਦੇ ਅਧਿਕਾਰੀ ਨੇ ਦੱਸਿਆ ਕਿ ਸਰਹੱਦੀ ਚੌਕੀ ਜੇਸੀਪੀ ਦੇ ਬਾਰਡਰ ਪਿਲਰ ਨੰਬਰ 101/8 ’ਤੇ ਤਾਇਨਾਤ ਸੀਮਾ ਸੁਰੱਖਿਆ ਬਲ ਦੇ ਜਵਾਨਾਂ ਨੂੰ ਕੰਡਿਆਲੀ ਤਾਰ ਨੇੜੇ ਦੋ ਵਿਅਕਤੀ ਭਾਰਤ ਵਾਲੇ ਪਾਸੇ ਵਾਪਸ ਦੌੜਦੇ ਦਿਖਾਈ ਦਿੱਤੇ ਤਾਂ ਇੱਕ ਵਿਅਕਤੀ ਗੋਲੀ ਲੱਗਣ ਨਾਲ ਜ਼ਖ਼ਮੀ ਹੋ ਗਿਆ, ਜਦੋਂਕਿ ਦੂਜਾ ਭੱਜਣ ਵਿੱਚ ਸਫ਼ਲ ਹੋ ਗਿਆ। ਗ੍ਰਿਫ਼ਤਾਰ ਜ਼ਖ਼ਮੀ ਵਿਅਕਤੀ ਦੀ ਪਛਾਣ ਮਨਦੀਪ ਸਿੰਘ ਵਾਸੀ ਧਨੋਏ ਖੁਰਦ ਵਜੋਂ ਹੋਈ ਹੈ। ਜਾਂਚ ਦੌਰਾਨ 10.710 ਕਿਲੋਗ੍ਰਾਮ ਹੈਰੋਇਨ ਬਰਾਮਦ ਹੋਈ ਜਿਸ ਦੀ ਕੀਮਤ 52 ਕਰੋੜ ਤੋਂ ਵੱਧ ਹੈ।
ਪੱਟੀ/ ਤਰਨ ਤਾਰਨ (ਪੱਤਰ ਪ੍ਰੇਰਕ): ਸਾਂਸੀਆਂ ਬਸਤੀ ਵਾਰਡ ਨੰਬਰ 2 ਪੱਟੀ ਨਾਲ ਸਬੰਧਤ ਰਣਜੀਤ ਸਿੰਘ ਰਾਣਾ ਕੋਲੋਂ 550 ਗ੍ਰਾਮ ਅਤੇ ਗੁਰਜੰਟ ਸਿੰਘ ਵਾਸੀ ਕਸ਼ਮੀਰ ਕਾਲੋਨੀ ਵਾਰਡ ਨੰਬਰ 2 ਕੋਲੋਂ 450 ਗ੍ਰਾਮ ਹੈਰੋਇਨ ਅਤੇ ਇੱਕ ਲੱਖ ਰੁਪਏ ਦੀ ਨਗਦੀ ਬਰਾਮਦ ਹੋਈ ਹੈ।
