ਪੱਤਰ ਪ੍ਰੇਰਕ
ਬਸੀ ਪਠਾਣਾਂ, 5 ਸਤੰਬਰ
ਸਿਟੀ ਪੁਲੀਸ ਨੇ ਇੱਕ ਲੜਕੀ ਤੋਂ ਮੋਬਾਈਲ ਫੋਨ ਝਪਟ ਕੇ ਲਿਜਾਣ ਦੇ ਮਾਮਲੇ ’ਚ ਦਲਵੀਰ ਸਿੰਘ ਉਰਫ ਨਵੀ ਵਾਸੀ ਮੁਹੱਲਾ ਬਹਿਲੋਲਪੁਰੀ ਬਸੀ ਪਠਾਣਾਂ ਅਤੇ ਮਨਮੋਹਨ ਸਿੰਘ ਉਰਫ ਦੀਪ ਵਾਸੀ ਕਿਲਾ ਮੁਹੱਲਾ ਬਸੀ ਪਠਾਣਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਸ਼ਿਕਾਇਤ ’ਚ ਹਰਲੀਨ ਕੌਰ ਨੇ ਦੱਸਿਆ ਸੀ ਕਿ ਬੀਤੀ 31 ਅਗਸਤ ਨੂੰ ਬਸੀ ਪਠਾਣਾਂ ਦੇ ਕਟਹਿਰਾ ਮੁਹੱਲਾ ਨਜ਼ਦੀਕ ਦੋ ਮੋਟਰਸਾਈਕਲ ਸਵਾਰਾਂ ਨੇ ਉਸ ਦਾ ਮੋਬਾਈਲ ਫੋਨ ਝਪਟ ਲਿਆ ਸੀ। ਸਿਟੀ ਪੁਲੀਸ ਨੇ ਇਸ ਵਾਰਦਾਤ ਨੂੰ ਅੰਜਾਮ ਦੇਣ ਵਾਲਿਆਂ ਦੀ ਸ਼ਨਾਖਤ ਕਰਦੇ ਹੋਏ ਦਲਵੀਰ ਸਿੰਘ ਅਤੇ ਮਨਮੋਹਨ ਸਿੰਘ ਨੂੰ ਇਸ ਮਾਮਲੇ ਵਿੱਚ ਨਾਮਜ਼ਦ ਕਰਦੇ ਹੋਏ ਗ੍ਰਿਫ਼ਤਾਰ ਕੀਤਾ ਹੈ।
