ਪੱਤਰ ਪ੍ਰੇਰਕ
ਮੂਨਕ, 21 ਨਵੰਬਰ
ਪੁਲੀਸ ਤੇ ਆਬਕਾਰੀ ਵਿਭਾਗ ਦੀ ਟੀਮ ਨੇ ਸਾਂਝੇ ਤੌਰ ’ਤੇ ਮੁਖਬਰ ਦੀ ਇਤਲਾਹ ’ਤੇ ਮੂਨਕ-ਮਕੋਰਡ ਰੋਡ ’ਤੇ ਵਰਨਾ ਗੱਡੀ ਦੀ ਤਲਾਸ਼ੀ ਦੌਰਾਨ ਨਾਜਾਇਜ਼ ਸ਼ਰਾਬ ਦੀਆਂ 47 ਪੇਟੀਆਂ ਬਰਾਮਦ ਕਰ ਕੇ ਥਾਣਾ ਮੂਨਕ ਵਿੱਚ ਕੇਸ ਦਰਜ ਕਰਵਾਇਆ ਹੈ। ਮੌਕੇ ਤੋਂ ਭੱਜੇ ਮੁਲਜ਼ਮਾਂ ਦੀ ਤਲਾਸ਼ ਜਾਰੀ ਹੈ। ਆਬਕਾਰੀ ਇੰਸਪੈਕਟਰ ਹਰਪ੍ਰੀਤ ਸਿੰਘ ਹਰੀਕਾ ਨੇ ਦੱਸਿਆ ਕਿ ਟੋਹਾਣਾ ਰੋਡ ਮੂਨਕ ਟੀ ਪੁਆਇੰਟ ’ਤੇ ਨਾਕਾ ਲਾਇਆ ਹੋਇਆ ਸੀ ਜਿੱਥੇ ਖਾਸ ਮੁਕਬਰ ਨੇ ਗੁਪਤ ਸੂਚਨਾ ਦਿੱਤੀ ਕਿ ਮੂਨਕ-ਮਕੋਰਡ ਰੋਡ ’ਤੇ ਸ਼ੱਕੀ ਹਾਲਤ ਵਿੱਚ ਵਰਨਾ ਗੱਡੀ ਖੜ੍ਹੀ ਹੈ ਅਤੇ ਉਸ ਵਿੱਚ ਸ਼ਰਾਬ ਹੋ ਸਕਦੀ ਹੈ। ਇਸ ’ਤੇ ਉਨ੍ਹਾਂ ਦੀ ਟੀਮ ਨੇ ਤੁਰੰਤ ਛਾਪਾ ਮਾਰ ਕੇ ਉਕਤ ਵਰਨਾ ਗੱਡੀ (ਨੰਬਰ ਡੀਐਲ/ 1 /ਸੀ ਐਲ 5161) ਦੀ ਤਲਾਸ਼ੀ ਲਈ ਤਾਂ ਉਸ ਵਿੱਚੋਂ 47 ਪੇਟੀਆਂ ਕਲੱਬ ਮਾਲਟਾ ਮਾਰਕਾ ਹਰਿਆਣਾ ਸਰਾਬ ਬਰਾਮਦ ਕੀਤੀ ਗਈ ਜੋ ਪੰਜਾਬ ਅੰਦਰ ਵੇਚੀ ਜਾਣੀ ਸੀ। ਇਸ ਸਬੰਧੀ ਅਣਪਛਾਤੇ ਵਿਆਕਤੀਆਂ ਖ਼ਿਲਾਫ਼ ਥਾਣਾ ਮੂਨਕ ਵਿੱਚ ਕੇਸ ਦਰਜ ਕੀਤਾ ਗਿਆ ਹੈ।
