ਸ਼ੇਰਪੁਰ: ਸ੍ਰੀ ਮਹਾਵੀਰ ਵੈੱਲਫੇਅਰ ਕਲੱਬ ਚਾਂਗਲੀ, ਬਾਬਾ ਬਿਸ਼ਨਦਾਸ ਜੀ ਗੱਦੀਨਸ਼ੀਨ ਡੇਰਾ ਚਾਂਗਲੀ ਅਤੇ ਸਮੂਹ ਨਗਰ ਵਾਸੀ ਤੇ ਨਗਰ ਪੰਚਾਇਤ ਚਾਂਗਲੀ ਦੇ ਸਹਿਯੋਗ ਨਾਲ ਪਿੰਡ ਵਿਚ ਕਰਵਾਏ 19ਵੇਂ ਸਾਲਾਨਾ ਭਗਵਤੀ ਜਾਗਰਣ ਦੌਰਾਨ ਵਾਇਸ ਆਫ ਪੰਜਾਬ ਹਰਵਿੰਦਰ ਹੈਰੀ ਨੇ ਕਈ ਘੰਟੇ ਰੰਗ ਬੰਨ੍ਹਿਆ। ਵੱਖੋ-ਵੱਖਰੇ ਤੌਰ ’ਤੇ ਜੋਤ ਪ੍ਰਚੰਡ, ਝੰਡੇ ਦੀ ਰਸਮ ਅਤੇ ਕੰਜਕਾਂ ਪੂਜਣ ਦੀਆਂ ਰਸਮਾਂ ਬਾਬਾ ਬਿਸ਼ਨਦਾਸ, ਬਾਬਾ ਭਰਭੂਰ ਸਿੰਘ, ਕਲੱਬ ਪ੍ਰਧਾਨ ਸੁਖਦੇਵ ਸਿੰਘ, ਮੀਤ ਪ੍ਰਧਾਨ ਮਨਦੀਪ ਸ਼ਰਮਾ, ਸਾਬਕਾ ਸਰਪੰਚ ਨਰਿੰਦਰ ਕੁਮਾਰ ਸ਼ਰਮਾ ਅਤੇ ਗੁਰਮੁਖ ਸਿੰਘ ਨੰਬਰਦਾਰ, ਜਨਰਲ ਸਕੱਤਰ ਯੂਥ ਕਾਂਗਰਸ ਸ਼ੁਭਮ ਸ਼ਰਮਾ ਸ਼ੁਭੀ, ਐਡਵੋਕੇਟ ਕੇਐੱਸ ਚਹਿਲ, ਸ਼ੈਲੀ ਸ਼ੇਰਪੁਰ, ਦਰਸ਼ਨ ਸਿੰਘ ਸਦਿਉੜਾ ਧੂਰੀ ਵੱਲੋਂ ਨਿਭਾਈ ਗਈ। ਗਊ ਸੇਵਾ ਕਮਿਸ਼ਨ ਪੰਜਾਬ ਦੇ ਚੇਅਰਮੈਨ ਅਸ਼ੋਕ ਕੁਮਾਰ ਲੱਖਾ, ਸਵਰਨਕਾਰ ਰਾਜਪੂਤ ਸਭਾ ਦੇ ਜ਼ਿਲ੍ਹਾ ਪ੍ਰਧਾਨ ਮਲਕੀਤ ਚਾਂਗਲੀ, ਸਾਬਕਾ ਸਰਪੰਚ ਗੁਰਜੰਟ ਸਿੰਘ ਨੇ ਸ਼ਿਰਕਤ ਕੀਤੀ। -ਪੱਤਰ ਪ੍ਰੇਰਕ
ਸਬੰਧਿਤ ਖ਼ਬਰਾਂ
