ਸੰਦੌੜ: ਸਕੂਲ ਸਿੱਖਿਆ ਵਿਭਾਗ ਪੰਜਾਬ ਵੱਲੋਂ ਕਰਵਾਈਆਂ ਸਰਕਾਰੀ ਪ੍ਰਾਇਮਰੀ ਸਕੂਲਾਂ ਦੀਆਂ ਖੇਡਾਂ ਤਹਿਤ ਬਲਾਕ ਮਾਲੇਰਕੋਟਲਾ-2 ਦੀਆਂ ਬਲਾਕ ਪੱਧਰੀ ਖੇਡਾਂ ਬਲਾਕ ਸਿੱਖਿਆ ਅਫ਼ਸਰ ਅਖਤਰ ਸਲੀਮ ਦੀ ਅਗਵਾਈ ’ਚ ਅਲ ਫਲਾਹ ਪਬਲਿਕ ਸੀਨੀਅਰ ਸੈਕੰਡਰੀ ਸਕੂਲ ਵਿੱਚ ਕਰਵਾਈਆਂ ਗਈਆਂ। ਜਿਸ ਵਿਚ ਬਲਾਕ ਦੇ 7 ਸੈਂਟਰਾਂ ਦੇ 63 ਸਕੂਲਾਂ ਦੇ ਬੱਚਿਆਂ ਨੇ ਭਾਗ ਲਿਆ। ਖੇਡਾਂ ਵਿਚ ਓਵਰਆਲ ਟਰਾਫ਼ੀ ਤੇ ਸੈਂਟਰ ਸੁਲਤਾਨਪੁਰ ਦਾ ਕਬਜ਼ਾ ਹੋ ਗਿਆ। ਖੇਡਾਂ ਦਾ ਉਦਘਾਟਨ ਮੈਡਮ ਰਿਹਾਨਾ ਨਕਵੀ ਪ੍ਰਿੰਸੀਪਲ ਅਲ ਫਲਾਹ ਪਬਲਿਕ ਸਕੂਲ ਮਾਲੇਰਕੋਟਲਾ ਨੇ ਕੀਤਾ। ਮੁਹੰਮਦ ਹਬੀਬ ਜ਼ਿਲ੍ਹਾ ਖੇਡ ਅਫ਼ਸਰ ਮਾਲੇਰਕੋਟਲਾ ਵਿਸ਼ੇਸ਼ ਮਹਿਮਾਨ ਅਤੇ ਉਨ੍ਹਾਂ ਨਾਲ ਅਬਦੁੱਲਾ ਜਮੀਲ ਬੈਡਮਿੰਟਨ ਕੋਚ, ਗਗਨਦੀਪ ਸੋਢੀ ਵੀ ਪਹੁੰਚੇ। ਦੋਵੇਂ ਦਿਨ ਕਬੱਡੀ, ਖੋ-ਖੋ, ਫੁੱਟਬਾਲ, ਰੱਸਾਕਸ਼ੀ, ਕੁਸ਼ਤੀਆਂ, ਯੋਗ, ਬੈਡਮਿੰਟਨ, ਸ਼ਤਰੰਜ ,ਅਥਲੈਟਿਕ, ਜਿਮਨਾਸਟਿਕ ਅਤੇ ਕਰਾਟੇ ਆਦਿ ਖੇਡਾਂ ਕਰਵਾਈਆਂ ਗਈਆਂ। ਜੇਤੂਆਂ ਨੂੰ ਬਲਾਕ ਸਿੱਖਿਆ ਅਫ਼ਸਰ ਅਖਤਰ ਸਲੀਮ ਨੇ ਮੁਬਾਰਕਬਾਦ ਦਿੱਤੀ। -ਪੱਤਰ ਪ੍ਰੇਰਕ
ਸਬੰਧਿਤ ਖ਼ਬਰਾਂ
