ਪੱਤਰ ਪ੍ਰੇਰਕ
ਲਹਿਰਾਗਾਗਾ, 12 ਸਤੰਬਰ
ਸ਼ਹਿਰ ਦੇ ਐਨ ਵਿਚਕਾਰ ਵਾਰਡ ਪੰਜ ਦੇ ਭੁਟਾਲੀਆ ਮੁਹੱਲੇ ਵਿੱਚੋਂ ਲੰਘੀ ਰਾਤ ਸ਼ਿਵ ਮੰਗਲ ਦੀ ਨਵੀਂ ਕਰੇਟਾ ਕਾਰ (ਪੀਬੀ 13ਬੀਕੇ 54520) ਚੋਰੀ ਹੋ ਗਈ। ਇਹ ਕਾਰ ਪੰਦਰਾਂ ਕੁ ਦਿਨ ਪਹਿਲਾਂ ਖਰੀਦੀ ਸੀ ਅਤੇ ਰਾਤ ਨੂੰ ਇਸ਼ਵਰ ਦਾਸ ਕਾਕਾ ਗੰਢੂਆ ਵਾਲੇ ਦੀ ਕੋਠੀ ਦੇ ਬਾਹਰ ਖੜੀ ਕੀਤੀ ਸੀ। ਪਰਿਵਾਰ ਨੂੰ ਚੋਰੀ ਬਾਰੇ ਸਵੇਰੇ ਪਤਾ ਲੱਗਿਆ। ਮੁਹੱਲਾ ਨਿਵਾਸੀਆਂ ਦੇ ਦੱਸਣ ਅਨੁਸਾਰ ਸਵੇਰੇ ਤਿੰਨ ਵਜੇ ਕਰੀਬ ਸੀਸੀਟੀਵੀ ਕੈਮਰੇ ਵਿੱਚ ਪੰਜ ਵਿਅਕਤੀ ਕਾਰ ਦਾ ਡਰਾਈਵਰ ਵਾਲਾ ਸ਼ੀਸ਼ਾ ਕੱਟ ਕੇ ਗੇਅਰ ਕੱਢ ਕੇ ਕੁਝ ਦੂਰ ਤੱਕ ਧੱਕਾ ਲਾ ਲੈ ਗਏ, ਮਗਰੋਂ ਸਟਾਰਟ ਕਰਕੇ ਲੈ ਗਏ। ਸੂਚਨਾ ਮਿਲਦਿਆਂ ਹੀ ਸਿਟੀ ਪੁਲੀਸ ਮੁਖੀ ਪਰਸ਼ੋਤਮ ਸ਼ਰਮਾ ਦੀ ਅਗਵਾਈ ਵਿੱਚ ਪੁਲੀਸ ਸੀਸੀਟੀਵੀ ਦੀ ਜਾਂਚ ਕਰਨ ਵਿੱਚ ਜੁੱਟ ਗਈ ਹੈ।
