ਪੱਤਰ ਪ੍ਰੇਰਕ
ਦਿੜ੍ਹਬਾ ਮੰਡੀ, 30 ਅਗਸਤ
ਸਹਿਕਾਰੀ ਖੇਤੀਬਾੜੀ ਵਿਕਾਸ ਬੈਂਕ ਦਿੜ੍ਹਬਾ ਦੇ ਨੌਂ ਜ਼ੋਨਾਂ ਦੀਆਂ ਸਹਿਕਾਰੀ ਸਭਾਵਾਂ ਦੇ ਨੌਂ ਡਾਇਰੈਕਟਰਾਂ ਦੀ ਚੋਣ ਬਿਨਾਂ ਮੁਕਾਬਲਾ ਹੋਈ। ਇਸ ਵਿੱਚ ਦਿੜ੍ਹਬਾ ਜ਼ੋਨ ਤੋਂ ਹਰ ਭਗਵਾਨ ਸ਼ਰਮਾ, ਗੁੱਜਰਾਂ ਤੋਂ ਕਿਰਨਪਾਲ ਕੌਰ, ਸੂਲਰ ਤੋਂ ਚਰਨਜੀਤ ਸਿੰਘ, ਰੋਗਲਾ ਤੋਂ ਗੁਰਲਾਲ ਸਿੰਘ, ਲਾਡਵਨਜਾਰਾ ਕਲਾਂ ਤੋਂ ਮਹਿੰਦਰ ਕੌਰ, ਖੇਤਲਾ ਤੋਂ ਸਮਸ਼ੇਰ ਸਿੰਘ, ਸਿਹਾਲ ਤੋਂ ਪੂਰਨ ਸਿੰਘ, ਕਮਾਲਪੁਰ ਤੋਂ ਗੁਰਮੇਲ ਸਿੰਘ ਅਤੇ ਦਿਆਲਗੜ੍ਹ ਜੇਜੀਆਂ ਜ਼ੋਨ ਤੋਂ ਬਲਜਿੰਦਰ ਸਿੰਘ ਡਾਇਰੈਕਟਰ ਚੁਣੇ ਗਏ ਹਨ।
ਇਸ ਮੌਕੇ ਸ਼੍ਰੋਮਣੀ ਅਕਾਲੀ ਦਲ ਦੇ ਸਾਬਕਾ ਜ਼ਿਲ੍ਹਾ ਪ੍ਰਧਾਨ ਜਥੇਦਾਰ ਤੇਜਾ ਸਿੰਘ ਕਮਾਲਪੁਰ ਨੇ ਦੱਸਿਆ ਕਿ ਇਹ ਚੋਣ ਢਾਈ ਸਾਲ ਪਹਿਲਾਂ ਹੋਣੀ ਸੀ। ਉਨ੍ਹਾਂ ਕਿਹਾ ਕਿ ਹੁਣ ਪੰਜਾਬ ਸਰਕਾਰ ਵੱਲੋਂ ਦੋ ਸਤੰਬਰ ਨੂੰ ਚੋਣ ਕਰਾਉਣੀ ਸੀ ਤੇ ਅੱਜ ਕਾਗਜ਼ਾਂ ਦੀ ਵਾਪਸੀ ਸੀ ਪਰ ਕਿਸੇ ਹੋਰ ਵਿਅਕਤੀਆਂ ਵੱਲੋਂ ਕਾਗਜ਼ ਨਾ ਭਰਨ ਕਾਰਨ ਨੌਂ ਡਾਇਰੈਕਟਰਾਂ ਨੂੰ ਬਿਨਾ ਮੁਕਾਬਲਾ ਜੇਤੂ ਐਲਾਨਿਆ ਗਿਆ। ਇਸ ਦੌਰਾਨ ਉਨ੍ਹਾਂ ਨੇ ਚੁਣੇ ਗਏ ਸਾਰੇ ਡਾਇਰੈਕਟਰਾਂ ਦਾ ਸਨਮਾਨ ਕੀਤਾ।
