ਸ਼ੇਰਪੁਰ: ਪਿੰਡ ਚਾਂਗਲੀ ਵਿੱਚ ਨਵੀਂ ਚੁਣੀ ਸਰਪੰਚ ਬੀਬੀ ਸੁਖਵੀਰ ਕੌਰ ਤੇ ਉਸਦੇ ਸਮਰਥਕ ਪੰਚਾਂ ਨੇ ਆਮ ਆਦਮੀ ਪਾਰਟੀ ਦੇ ਲੋਕਲ ਦਫ਼ਤਰ ਵਿੱਚ ‘ਆਪ’ ਦੇ ਕਿਸਾਨ ਵਿੰਗ ਆਗੂ ਦਰਸ਼ਨ ਸਿੰਘ ਦੀ ਅਗਵਾਈ ਹੇਠ ਪਲੇਠੀ ਇਕੱਤਰਤਾ ਕੀਤੀ ਅਤੇ ਪਿੰਡ ਦੇ ਭਲੇ ਲਈ ਕੰਮ ਕਰਨ ਦਾ ਅਹਿਦ ਲਿਆ। ਉਨ੍ਹਾਂ ਜਿੱਤ ਦੇ ਸ਼ੁਕਰਾਨੇ ਵਜੋਂ ਪਿੰਡ ਦੇ ਗੁਰਦੁਆਰਾ ਸਾਹਿਬ ਤੇ ਧਾਰਮਿਕ ਡੇਰੇ ਵਿਖੇ ਮੱਥਾ ਟੇਕਿਆ। ਇਸ ਮੌਕੇ ਪੰਚ ਮਨਜੀਤ ਕੌਰ, ਅੰਮ੍ਰਿਤ ਸਿੰਘ, ਮੋਤੀ ਸਿੰਘ, ਹਰਜਿੰਦਰ ਸਿੰਘ, ਬਲਵਿੰਦਰ ਕੌਰ ਤੋਂ ਇਲਾਵਾ ਸਮਰਥਕ ਬਲਵਿੰਦਰ, ਗੁਰਮੁਖ ਸਿੰਘ, ਸਰਬਜੀਤ ਕੌਰ, ਪਰਮਜੀਤ ਕੌਰ ਆਦਿ ਹਾਜ਼ਰ ਸਨ। ਇਕੱਤਰਤਾ ਦੌਰਾਨ ਦਰਸ਼ਨ ਸਿੰਘ ਚਾਂਗਲੀ ਨੇ ਉਨ੍ਹਾਂ ਦਾ ਸਨਮਾਨ ਕੀਤਾ। ਉਧਰ, ਮਹਿਜ਼ ਦੋ ਵੋਟਾਂ ਨਾਲ ਹਾਰ ਜਾਣ ਕਾਰਨ ਨਤੀਜੇ ਤੋਂ ਅਸੰਤੁਸ਼ਟ ਵਿਰੋਧੀ ਧਿਰ ਏਡੀਸੀ ਕੋਲੋਂ ਨਤੀਜਾ ਲੈਣ ਮਗਰੋਂ ਅਗਲਾ ਕਾਨੂੰਨੀ ਰਾਹ ਤਲਾਸ਼ਣ ਦੇ ਰੌਂਅ ਵਿੱਚ ਹੈ। -ਪੱਤਰ ਪ੍ਰੇਰਕ
ਚਾਂਗਲੀ ਦੀ ਪੰਚਾਇਤ ਦਾ ਸਨਮਾਨ ਕਰਦੇ ਹੋਏ ‘ਆਪ’ ਆਗੂ। -ਫੋਟੋ: ਰਿਸ਼ੀ
ਸਬੰਧਿਤ ਖ਼ਬਰਾਂ
