ਮਾਲੇਰਕੋਟਲਾ: ਰੋਟਰੀ ਕਲੱਬ ਮਾਲੇਰਕੋਟਲਾ ਦੀ ਸਥਾਪਨਾ ਦੇ ਪੰਜਾਹ ਵਰ੍ਹੇ ਪੂਰੇ ਹੋਣ ’ਤੇ ਇੱਕ ਸ਼ਨਦਾਰ ਸਮਾਗਮ ਕਰਵਾਇਆ ਗਿਆ। ਸਟਾਰ ਇੰਪੈਕਟ ਦੇ ਐੱਮਡੀ ਹਾਜੀ ਮੁਹੰਮਦ ਓਵੈਸ ਨੇ ਮੁੱਖ ਮਹਿਮਾਨ ਤੇ ਸ੍ਰੀ ਲਤੀਫ਼ ਥਿੰਦ (ਪੀ.ਸੀ.ਐਸ) ਨੇ ਵਿਸ਼ੇਸ਼ ਮਹਿਮਾਨ ਦੇ ਤੌਰ ’ਤੇ ਸ਼ਿਰਕਤ ਕੀਤੀ। ਡਾ. ਜਾਵੇਦ ਰਿਸਰਚ ਸਕਾਲਰ ਨੇ ਇਸ ਸਮਾਗਮ ਦੀ ਪ੍ਰਧਾਨਗੀ ਕੀਤੀ। ਮੁਹੰਮਦ ਓਵੈਸ ਨੇ ਰੋਟਰੀ ਭਵਨ ਮਾਲੇਰਕੋਟਲਾ ਦੇ ਨਿਰਮਾਣ ਲਈ ਦੋ ਲੱਖ ਰੁਪਏ ਦੇਣ ਦਾ ਐਲਾਨ ਕੀਤਾ। ਕਲੱਬ ਦੇ ਫਾਊਂਡਰ ਮੈਂਬਰ ਪਵਨ ਮੋਦੀ ਨੂੰ ਵਿਸ਼ੇਸ਼ ਤੌਰ ’ਤੇ ਸਨਮਾਨਿਤ ਕੀਤਾ ਗਿਆ। ਸ੍ਰੀ ਵਿਜੈ ਅਰੋੜਾ ਡਿਸਟ੍ਰਿਕ ਗਵਰਨਰ ਅਤੇ ਪ੍ਰਵੀਨ ਕੁਮਾਰ ਜਿੰਦਲ (ਡਿਸਟ੍ਰਿਕ ਗਵਰਨਰ 2021-22) ਨੇ ਕਲੱਬ ਮੈਂਬਰਾਂ ਦੀ ਸ਼ਲਾਘਾ ਕਰਦੇ ਹੋਏ ਕਿਹਾ ਕਿ ਮਾਲੇਰਕੋਟਲਾ ਰੋਟਰੀ ਕਲੱਬ ਵੱਲੋਂ ਰੋਟਰੀ ਇੰਟਰਨੈਸ਼ਨਲ ਦੇ ਉਦੇਸ਼ਾਂ ਦੀ ਪ੍ਰਾਪਤੀ ਲਈ ਕੀਤੇ ਗਏ ਯਤਨਾਂ ’ਚ ਅਹਿਮ ਯੋਗਦਾਨ ਪਾਇਆ ਹੈ।
-ਨਿੱਜੀ ਪੱਤਰ ਪ੍ਰੇਰਕ
