ਪੱਤਰ ਪ੍ਰੇਰਕ
ਅਮਰਗੜ੍ਹ, 10 ਸਤੰਬਰ
ਪੁਲੀਸ ਨੇ ਇੱਥੇ ਪਤੀ-ਪਤਨੀ ਨੂੰ 15 ਕਿੱਲੋ ਡੋਡਿਆਂ ਸਣੇ ਕਾਬੂ ਕੀਤਾ ਹੈ। ਮਿਲੀ ਜਾਣਕਾਰੀ ਅਨੁਸਾਰ ਇੱਕ ਨਾਕੇ ਦੌਰਾਨ ਸਹਾਇਕ ਥਾਣਦਾਰ ਨਰਿੰਦਰ ਸਿੰਘ ਤੇ ਥਾਣੇਦਾਰ ਨਾਜਰ ਸਿੰਘ ਨੇ ਪਿੰਡ ਬਾਗੜੀਆਂ ਦੇ ਬਿੱਟੂ ਤੇ ਉਸ ਦੀ ਪਤਨੀ ਲੱਛਮੀ ਕੌਰ ਕੋਲੋਂ 15 ਕਿੱਲੋ ਡੋਡੇ ਬਰਾਮਦ ਕਰਦਿਆਂ ਮੁਲਜ਼ਮਾਂ ਨੂੰ ਗ੍ਰਿਫਤਾਰ ਕਰ ਲਿਆ ਹੈ।
ਇਸ ਤੋਂ ਇਲਾਵਾ ਥਾਣਦੇਰ ਵਿਨਰਪ੍ਰੀਤ ਸਿੰਘ ਤੇ ਸਹਾਇਕ ਥਾਣੇਦਾਰ ਜਾਨਪਾਲ ਸਿੰਘ ਨੇ ਸੰਨੀ, ਕਿਰਨਾ, ਕੋਚੀ, ਪਰਮਜੀਤ ਬਾਂਗਰੋ, ਦਰਸ਼ਨ ਸਿੰਘ ਉਰਫ ਬਿੱਲਾ, ਸੁਖਦੇਵ ਸਿੰਘ ਉਰਫ ਲਾਡੀ, ਬੱਬੋ ਤੇ ਪੱਪੂ ਉਰਫ ਕੈਂਡਾ ਵਾਸੀ ਬਾਗੜੀਆਂ ਖ਼ਿਲਾਫ਼ ਨਸ਼ੇ ਵੇਚਣ ਦੇ ਦੋਸ਼ ਹੇਠ ਕੇਸ ਦਰਜ ਕੀਤਾ ਹੈ।
ਰਾਜਪੁਰਾ (ਪੱਤਰ ਪ੍ਰੇਰਕ): ਸਦਰ ਪੁਲੀਸ ਨੇ ਇੱਕ ਵਿਅਕਤੀ ਨੂੰ ਭੁੱਕੀ ਸਮੇਤ ਕਾਬੂ ਕੀਤਾ ਹੈ। ਥਾਣਾ ਸਦਰ ਦੇ ਮੁਖੀ ਇੰਸਪੈਕਟਰ ਜਸਪ੍ਰੀਤ ਸਿੰਘ ਨੇ ਦੱਸਿਆ ਕਿ ਸਹਾਇਕ ਥਾਣੇਦਾਰ ਸੂਬਾ ਸਿੰਘ ਨੇ ਸਮੇਤ ਪੁਲੀਸ ਪਾਰਟੀ ਰਾਜਪੁਰਾ-ਚੰਡੀਗੜ੍ਹ ਰੋਡ ’ਤੇ ਪਿੰਡ ਜਨਸੂਆ ਨੇੜੇ ਨਾਕਾ ਲਾਏ ਦੌਰਾਨ ਇੱਕ ਸ਼ੱਕੀ ਕਾਰ ਨੂੰ ਰੋਕ ਕੇ ਤਲਾਸ਼ੀ ਲਈ ਤਾਂ ਉਸ ਵਿੱਚੋਂ ਚਾਰ ਕਿੱਲੋ ਭੁੱਕੀ ਬਰਾਮਦ ਹੋਈ। ਪੁਲੀਸ ਨੇ ਕਾਰ ਚਾਲਕ ਹਰਿੰਦਰ ਸਿੰਘ ਵਾਸੀ ਪਿੰਡ ਨਿਆਮਤਪੁਰ ਨੂੰ ਗ੍ਰਿਫ਼ਤਾਰ ਕਰ ਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
