ਨਿੱਜੀ ਪੱਤਰ ਪ੍ਰੇਰਕ
ਧੂਰੀ, 9 ਅਕਤੂਬਰ
ਸੋਨੇ ਚਾਂਦੀ ਦੇ ਗਹਿਣਿਆਂ ਦੀ ਕਲਾ ਦੀ ਸ਼ੁਰੂਆਤ ਕਰਨ ਵਾਲੇ ਸਵਰਨਕਾਰ ਸਮਾਜ ਦੇ ਆਦਿ ਪੁਰਸ਼ ਤੇ ਦਾਨੀ ਮਹਾਰਾਜ ਅਜਮੀੜ ਦੇਵ ਦਾ ਜਨਮ ਦਿਹਾੜਾ ਸਵਰਨਕਾਰ ਸੰਘ ਵੱਲੋਂ ਸਥਾਨਕ ਪੁਰਾਣੀ ਅਨਾਜ ਮੰਡੀ ਵਿੱਚ ਸ਼ਰਧਾ ਤੇ ਉਤਸ਼ਾਹ ਨਾਲ ਮਨਾਇਆ ਗਿਆ। ਇਸ ਮੌਕੇ ਸਵਰਨਕਾਰ ਸੰਘ ਦੇ ਚੇਅਰਮੈਨ ਮਲਕੀਅਤ ਸਿੰਘ ਚਾਂਗਲੀ ਅਤੇ ਮਨਮੋਹਨ ਵਰਮਾ ਦੀ ਅਗਵਾਈ ਵਿੱਚ ਸੰਘ ਦੇ ਪ੍ਰਧਾਨ ਚੰਨਪ੍ਰੀਤ ਸਿੰਘ ਰਿੰਕੂ ਅਤੇ ਵਾਈਸ ਪ੍ਰਧਾਨ ਗੋਪਾਲ ਵਰਮਾ ਵੱਲੋਂ ਮਹਾਰਾਜ ਅਜਮੀੜ ਦੇਵ ਦੇ ਜਨਮ ਦਿਹਾੜੇ ਮੌਕੇ ਉਨ੍ਹਾਂ ਦੀ ਫੋਟੋ ’ਤੇ ਫੁੱਲਾਂ ਦੇ ਹਾਰ ਪਾਉਣ ਉਪਰੰਤ ਕੇਕ ਕੱਟ ਕੇ ਅਤੇ ਲੱਡੂ ਵੰਡ ਕੇ ਸਵਰਨਕਾਰ ਸਮਾਜ ਵੱਲੋਂ ਖੁਸ਼ੀ ਦਾ ਪ੍ਰਗਟਾਵਾ ਕੀਤਾ ਗਿਆ। ਇਸ ਸੰਖੇਪ ਸਮਾਗਮ ਵਿੱਚ ਸਰਪ੍ਰਸਤ ਮਦਨ ਲਾਲ ਵਰਮਾ , ਦਲਵੀਰ ਕਾਕਾ , ਪਰਵੀਨ ਵਰਮਾ , ਜਸਵੀਰ ਸਿੰਘ ਜੱਸਾ, ਰੌਬਿਨ, ਹੈਪੀ, ਪ੍ਰਿੰਸ,ਬੋਬੀ, ਜੌਨੀ, ਰਮੇਸ਼ , ਪਿੰਟੂ ਵਰਮਾ ਤੇ ਸ੍ਰੀਕਾਂਤ ਤੋਂ ਇਲਾਵਾ ਸੇਵਾਮੁਕਤ ਡੀਪੀਆਰਓ ਮਨਜੀਤ ਸਿੰਘ ਬਖਸ਼ੀ ਨੇ ਵੀ ਸਾਰਿਆਂ ਨੂੰ ਮੁਬਾਰਕਬਾਦ ਦਿੰਦੇ ਹੋਏ ਮਹਾਰਾਜਾ ਅਜਮੀੜ ਦੇਵ ਦ ੁਆਰਾ ਦਰਸਾਏ ਮਾਰਗ ਉੱਤੇ ਚੱਲਣ ਲਈ ਪ੍ਰੇਰਿਆ।
