ਪੱਤਰ ਪ੍ਰੇਰਕ
ਲਹਿਰਾਗਾਗਾ,7 ਮਈ
ਗੁਰੂ ਤੇਗ ਬਹਾਦਰ ਕਾਲਜ ਫਾਰ ਵਿਮੈਨ ਲਹਿਲ ਖੁਰਦ ਵਿੱਚ ਬੀਏ, ਬੀਕਾਮ ਅਤੇ ਬੀਸੀਏ ਭਾਗ ਦੂਜਾ ਵੱਲੋਂ ਬੀਏ,ਬੀਕਾਮ ਤੇ ਬੀਸੀਏੇ ਭਾਗ ਤੀਜਾ ਦੇ ਵਿਦਿਆਰਥੀਆਂ ਨੂੰ ਫੇਅਰਵੈੱਲ ਪਾਰਟੀ ਪ੍ਰਿੰਸੀਪਲ ਰੀਤੂ ਗੋਇਲ ਦੀ ਅਗਵਾਈ ਹੇਠ ਦਿੱਤੀ ਗਈ। ਇਸ ਮੌਕੇ ਪ੍ਰਬੰਧਕੀ ਕਮੇਟੀ ਦੇ ਚੇਅਰਮੈਨ ਰਾਜੇਸ਼ ਕੁਮਾਰ, ਨਗਰ ਕੌਂਸਲ ਲਹਿਰਾਗਾਗਾ ਦੀ ਸਾਬਕਾ ਪ੍ਰਧਾਨ ਰਵੀਨਾ ਗਰਗ, ਮੈਡਮ ਮੋਨਿਕਾ, ਬੀਐੱਡ, ਐੱਮਐੱਡ ਪ੍ਰਿੰਸੀਪਲ ਡਾ.ਮਨਪ੍ਰੀਤ ਕੌਰ ਅਤੇ ਬੀਐੱਡ ਪ੍ਰਿੰਸੀਪਲ ਡਾ. ਸੀਮਾ ਮੈਡਮ ਅਤੇ ਹੋਰ ਪ੍ਰਬੰਧਕੀ ਮੈਬਰ ਬਤੌਰ ਮੂੱਖ ਮਹਿਮਾਨ ਪਾਰਟੀ ਵਿੱਚ ਸ਼ਾਮਲ ਹੋਏ।ਇਸ ਵਿੱਚ ਵਿਦਿਆਰਥਣਾਂ ਨੇ ਗਿੱਧਾ,ਭੰਗੜਾ, ਨ੍ਰਿਤ, ਗਾਇਕੀ ਅਤੇ ਹਾਸਰਸ ਵੰਨਗੀਆਂ ਦੀ ਪੇਸ਼ਕਾਰੀ ਦਿੱਤੀ। ਵਿਦਿਆਰਥਣਾਂ ਵੱਲੋਂ ਮਾਡਲਿੰਗ ਵੀ ਕੀਤੀ ਗਈ। ਜਿਸ ਵਿੱਚ ਬੀ.ਕਾਮ ਭਾਗ ਤੀਜਾ ਦੀ ਵਿਦਿਆਰਥਣ ਹਰਪ੍ਰੀਤ ਕੌਰ ਫਸਟ ਰਨਰ ਅਪ ਅਤੇ ਬੀਕਾਮ ਭਾਗ ਤੀਜਾ ਦੀ ਮਨਪ੍ਰੀਤ ਕੌਰ ਮਿਸ ਫੇਅਰਵੈੱਲ ਚੁਣੀ ਗਈ। ਇਸ ਮੌਕੇ ਕਾਲਜ ਦੇ ਚੇਅਰਮੈਨ ਰਾਜੇਸ਼ ਕੁਮਾਰ ਅਤੇ ਸਾਬਕਾ ਪ੍ਰਧਾਨ ਰਵੀਨਾ ਗਰਗ ਨੇ ਵਿਦਿਆਰਥੀਆਂ ਦੇ ਉਜਲ ਭਵਿੱਖ ਦੀ ਕਾਮਨਾ ਕਰਦਿਆਂ ਕਿਹਾ ਕਿ ਸੰਸਥਾ ਦੇ ਹੋਣਹਾਰ ਵਿਦਿਆਰਥੀ ਜਿੱਥੇ ਵੀ ਜਾਣ ਹਮੇਸ਼ਾ ਤਰੱਕੀਆਂ ਕਰਨ ਅਤੇ ਸੰਸਥਾ ਦਾ ਨਾਮ ਅੱਗੇ ਜਾ ਕੇ ਰੋਸ਼ਨ ਕਰਨ।
