ਪੱਤਰ ਪ੍ਰੇਰਕ
ਭਵਾਨੀਗੜ੍ਹ, 8 ਅਕਤੂਬਰ
ਇੱਥੋਂ ਨੇੜਲੀ ਫੈਕਟਰੀ ਪੈਪਸੀਕੋ ਇੰਡੀਆ ਚੰਨੋਂ ਦੀ ਮੈਨੇਜਮੈਂਟ ਤੇ ਟਰੱਕ ਯੂਨੀਅਨ ਭਵਾਨੀਗੜ੍ਹ ਦੇ ਨੁਮਾਇੰਦਿਆਂ ਦਰਮਿਆਨ ਕਈ ਗੇੜਾਂ ਵਿੱਚ ਹੋਈਆਂ ਮੀਟਿੰਗਾਂ ਵਿੱਚ ਪੈਪਸੀਕੋ ਪ੍ਰੋਡਕਟ ਜੂਸ ਅਤੇ ਚਿਪਸ ਦੀ ਢੋਆਈ ਕਰਨ ਦੇ ਰੇਟਾਂ ਵਿੱਚ ਵਾਧਾ ਕੀਤਾ ਗਿਆ ਹੈ। ਟਰੱਕ ਯੂਨੀਅਨ ਭਵਾਨੀਗੜ੍ਹ ਦੇ ਪ੍ਰਧਾਨ ਹਰਦੀਪ ਸਿੰਘ ਤੂਰ ਨੇ ਦੱਸਿਆ ਕਿ ਪੈਪਸੀਕੋ ਮੈਨੇਜਮੈਂਟ ਦੇ ਅਧਿਕਾਰੀ ਚੰਦਨ, ਗੌਰਵ ਅਤੇ ਪਵਿੱਤਰ ਸਿੰਘ ਨਾਲ ਮੀਟਿੰਗ ਦੌਰਾਨ ਅੱਜ ਜੂਸ ਦੀ ਢੋਆਈ ਦੇ ਰੇਟ ਵਿੱਚ ਓਵਰਆਲ 8 ਫੀਸਦੀ ਵਾਧਾ ਕੀਤਾ ਗਿਆ, ਜਦੋਂ ਕਿ ਤਰਨਾ ਵੇਲੀ ਤੇ ਜਮਸ਼ੇਦਪੁਰ ਸ਼ਹਿਰਾਂ ਲਈ 11 ਫੀਸਦੀ ਵਧਾਏ ਗਏ। ਪੰਜਾਬ, ਹਿਮਾਚਲ, ਹਰਿਆਣਾ, ਰਾਜਸਥਾਨ, ਸੁਜਾਨਪੁਰ ਸੀਐੱਫਏ ਅਤੇ ਦੇਹਰਾਦੂਨ ਸੀਐੱਫਏ ਆਦਿ ਸਟੇਸ਼ਨਾਂ ਦੇ ਰੇਟ 7.25 ਫੀਸਦੀ ਵਧਾਏ ਗਏ ਤੇ ਬਾਕੀ ਸੀਐਫਏ ਦੇ ਰੇਟ 9 ਫੀਸਦੀ ਵਧਾਏ ਗਏ। ਚਿਪਸ ਦੇ ਸੀਐੱਫਏ ਦੇ ਦੋ ਪਾਰਟੀ ਰੇਟ ਵਧਾ ਕੇ 950 ਰੁਪਏ ਕਰ ਦਿੱਤੇ ਗਏ।
