ਪੱਤਰ ਪ੍ਰੇਰਕ
ਦਿੜ੍ਹਬਾ ਮੰਡੀ, 4 ਮਈ
ਦਿੜ੍ਹਬਾ ਹਲਕੇ ਦੇ ਪਿੰਡ ਜਖੇਪਲ ਦੀ ਖਿਡਾਰਨ ਤਨਵੀਰ ਕੌਰ ਅਤੇ ਪਿੰਡ ਗੰਢੂਆਂ ਦੀ ਸਿਮਰਜੀਤ ਕੌਰ ਨੇ ਬੰਗਲੌਰ ਵਿੱਚ ਖੇਲੋ ਇੰਡੀਆ ਯੂਨੀਵਰਸਿਟੀ ਖੇਡਾਂ ਵਿੱਚ ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ਦੀ ਟੀਮ ਵੱਲੋਂ 1600 ਮੀਟਰ ਰਿਲੇਅ ਦੌੜ ਵਿੱਚ ਸੋਨ ਤਗ਼ਮਾ ਜਿੱਤਿਆ ਹੈ। ਭਾਈ ਮੁਗਲੂ ਵੈੱਲਫੇਅਰ ਸੁਸਾਇਟੀ ਗੰਂਢੂਆਂ ਦੇ ਪ੍ਰਧਾਨ ਡਾ. ਦਲਜੀਤ ਸਿੰਘ, ਹਮੀਰ ਸਿੰਘ, ਪੰਚਾਇਤ ਮੈਂਬਰ ਜੱਗੀ ਸਿੰਘ ਗੰਢੂਆਂ ਨੇ ਦੱਸਿਆ ਕਿ ਤਨਵੀਰ ਪੁੱਤਰੀ ਬਲਵਿੰਦਰ ਸਿੰਘ ਬਿੱਟੂ ਵਾਸੀ ਜਖੇਪਲ ਅਤੇ ਸਿਮਰਜੀਤ ਪੁੱਤਰੀ ਕਾਕਾ ਸਿੰਘ ਵਾਸੀ ਪਿੰਡ ਗੰਢੂਆਂ ਨੇ ਕੋਚ ਸੁਖਪਾਲ ਸਿੰਘ ਲਖਮੀਰਵਾਲਾ ਦੀ ਸਖ਼ਤ ਮਿਹਨਤ ਸਦਕਾ ਪੰਜਾਬੀ ਯੂਨੀਵਰਸਿਟੀ ਦੀ ਟੀਮ ਵੱਲੋਂ 1600 ਮੀਟਰ ਰਿਲੇਅ ਦੌੜ ਵਿੱਚ ਸੋਨ ਤਗ਼ਮਾ ਹਾਸਲ ਕੀਤਾ ਹੈ। ਇਸ ਚਾਰ ਮੈਂਬਰੀ ਟੀਮ ਵਿੱਚ ਦੋ ਹੋਰ ਖਿਡਾਰਨਾਂ ਕਿਰਨਜੋਤ ਕੌਰ ਅਤੇ ਸਿਮਰਦੀਪ ਕੌਰ ਵੀ ਸ਼ਾਮਲ ਸਨ। ਵਿੱਤ ਮੰਤਰੀ ਹਰਪਾਲ ਚੀਮਾ, ਗਾਇਕ ਪੰਮੀ ਬਾਈ, ਸਾਬਕਾ ਆਈਏਐਸ ਡਾ. ਕਰਮਜੀਤ ਸਿੰਘ ਸਰਾ, ਸਹਾਇਤਾ ਇੰਡੀਆ ਦੇ ਪ੍ਰਧਾਨ ਡਾ. ਰਾਜਿੰਦਰ ਸਿੰਘ ਰਾਜੀ, ਅਦਾਕਾਰ ਤੇ ਗਾਇਕ ਕਰਮਜੀਤ ਅਨਮੋਲ, ਆਈਡੀਪੀ ਦੇ ਆਗੂ ਕਰਨੈਲ ਸਿੰਘ ਜਖੇਪਲ ਨੇ ਖਿਡਾਰਨਾਂ ਨੂੰ ਵਧਾਈ ਦਿੱਤੀ ਹੈ।
