ਨਿੱਜੀ ਪੱਤਰ ਪ੍ਰੇਰਕ
ਮਾਲੇਰਕੋਟਲਾ, 9 ਜੁਲਾਈ
ਮਾਲੇਰਕੋਟਲਾ ਵਿੱਚ ਈਦ-ਉਲ-ਅਜਹਾ (ਬੱਕਰਾ ਈਦ) ਨੂੰ ਲੈ ਕੇ ਵੱਖੋ-ਵੱਖ ਮਸਜਿਦਾਂ ਵੱਲੋਂ ਜਲਦੀ ਕੁਰਬਾਨੀ ਕਰਨ ਦੇ ਰੁਝਾਨ ਕਰਕੇ ਵੱਖ-ਵੱਖ ਈਦਗਾਹਾਂ ਅਤੇ ਮਸਜਿਦਾਂ ਦੀਆਂ ਪ੍ਰਬੰਧਕ ਕਮੇਟੀਆਂ ਵੱਲੋਂ ਈਦ ਦੀ ਨਮਾਜ਼ ਅਦਾ ਕਰਨ ਸਬੰਧੀ ਸਮਾਂ ਸਾਰਨੀ ਜਾਰੀ ਕੀਤੀ ਗਈ ਹੈ। ਸਥਾਨਕ ਵੱਡੀ ਈਦਗਾਹ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਮੁਹੰਮਦ ਅਸਲਮ ਬਾਚੀ ਅਨੁਸਾਰ, ਵੱਡੀ ਈਦਗਾਹ ’ਚ ਈਦ-ਉਲ-ਅਜ਼ਹਾ (ਬੱਕਰਾ ਈਦ) ਦੀ ਨਮਾਜ਼ 10 ਜੁਲਾਈ ਨੂੰ ਸਵੇਰੇ 7.30 ਵਜੇ ਮੁਫ਼ਤੀ ਇਰਤਕਾ ਉਲ ਹਸਨ ਕਾਂਧਲਵੀ ਮੁਫ਼ਤੀ ਏ ਆਜ਼ਮ ਪੰਜਾਬ, ਛੋਟੀ ਈਦਗਾਹ ’ਚ ਸਵੇਰੇ 6.30 ਵਜੇ ਈਦਗਾਹ ਕਿਲ੍ਹਾ ਰਹਿਮਤਗੜ੍ਹ ’ਚ ਨਮਾਜ਼ ਸਵੇਰੇ 7.00 ਵਜੇ, ਈਦਗਾਹ ਸਲਫੀਆ, ਮਦਨੀ ਮਸਜਿਦ ਤਬਲੀਗੀ ਮਰਕਜ਼, ਸਥਾਨਕ ਜੁਮਾ ਮਸਜਿਦ ਵਿੱਚ ਸਵੇਰੇ 6.30 ਵਜੇ, ਸਥਾਨਕ ਮੁਹੰਮਦੀ ਮਸਜਿਦ ਵਿੱਚ ਸਵੇਰੇ 7.30 ਵਜੇ, ਮਸਜਿਦ ਕਲਸਾ ਵਾਲੀ ਵਿੱਚ ਸਵੇਰੇ 6.15 ਵਜੇ, ਸਥਾਨਕ ਸਰਹੰਦੀ ਗੇਟ ਵਾਲੀ ਮਸਜਿਦ ਵਿੱਚ ਸਵੇਰੇ 5.55 ਵਜੇ, ਮਸਜਿਦ ਅਕਸਾ ਸੋਮਸੰਗ ਕਾਲੋਨੀ ਵਿੱਚ ਸਵੇਰੇ 6.05 ਵਜੇ, ਮੁਹੱਲਾ ਜੌੜਿਆਂ ਵਿੱਚ ਸਵੇਰੇ 6.00 ਵਜੇ, ਜਮਾਲਪੁਰਾ ਵੱਡੀ ਮਸਜਿਦ ’ਚ ਸਵੇਰੇ 6.30 ਵਜੇ, ਸਥਾਨਕ ਕੇਲੋਂ ਗੇਟ ਸਥਿਤ ਮਸਜਿਦ ਬੰਗਲੇ ਵਾਲੀ ਵਿੱਚ ਸਵੇਰੇ 6.00 ਵਜੇ, ਸਥਾਨਕ ਕਿਲਾ ਰਹਿਮਤ ਗੜ੍ਹ ਵਿੱਚ ਮਸਜਿਦ ਅਨਸ ’ਚ ਸਵੇਰੇ 6.15 ਵਜੇ, ਅਲ-ਫਲਾਹ ਕਾਲੋਨੀ ’ਚ ਸਥਿਤ ਮਸਜਿਦ ਓਡਾਂ ਵਾਲ਼ੀ ਵਿੱਚ ਸਵੇਰੇ 6.15 ਵਜੇ, ਰੇਲਵੇ ਸਟੇਸ਼ਨ ਵਾਲੀ ਮਸਜਿਦ ’ਚ ਸਵੇਰੇ 5.55 ਵਜੇ, ਮਸਜਿਦ ਫੈਜ਼ ਏ ਕੁਰਆਂਨ ਮਦਰਸਾ ਅਰਬੀਆ ਹਿਫਜ਼ੁਲ ਕੁਰਆਨ ਜ਼ਮਾਲਪੁਰਾ ਈਦ ਉਲ ਅਜਹਾ ਦੀ ਨਮਾਜ਼ 6.00 ਵਜੇ ਅਦਾ ਹੋਵੇਗੀ।
