ਮੁੰਬਈ: ਸ਼ਬਾਨਾ ਆਜ਼ਮੀ ਤੇ ਸੰਜੀਦਾ ਸ਼ੇਖ਼ ਦੀਆਂ ਅਹਿਮ ਭੂਮਿਕਾਵਾਂ ਵਾਲੀ ਫ਼ਿਲਮ ‘ਕਾਲੀ ਖੂਹੀ’ ਨੈੱਟਫਲਿਕਸ ਉਤੇ 30 ਅਕਤੂਬਰ ਨੂੰ ਰਿਲੀਜ਼ ਹੋਵੇਗੀ। ਨੈੱਟਫਲਿਕਸ ਮੁਤਾਬਕ ਫ਼ਿਲਮ 10 ਸਾਲਾ ਲੜਕੀ ਸ਼ਿਵਾਂਗੀ ਦੀ ਕਹਾਣੀ ਬਿਆਨ ਕਰਦੀ ਹੈ ਜੋ ਕਿਸੇ ਵੀ ਕੀਮਤ ’ਤੇ ਪੰਜਾਬ ਸਥਿਤ ਆਪਣੇ ਪਰਿਵਾਰ ਦੇ ਪਿੰਡ ਨੂੰ ਅਸ਼ਾਂਤ ਭੂਤਾਂ ਕੋਲੋਂ ਬਚਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ। ਇਹ ਉਸ ਦੇ ਪਿੰਡ ਦੇ ਅਤੀਤ ਵਿਚ ਵਾਪਰੀਆਂ ਘਟਨਾਵਾਂ ਵਿਚੋਂ ਉਪਜੇ ਹਨ। ਫ਼ਿਲਮ ਦੇ ਨਿਰਦੇਸ਼ਕ ਟੈਰੀ ਸਮੁੰਦੜਾ ਹਨ ਤੇ ਇਸ ਦਾ ਨਿਰਮਾਣ ਅੰਕੂ ਪਾਂਡੇ ਤੇ ਰੇਮਨ ਚਬਿ ਨੇ ਕੀਤਾ ਹੈ। ਸਕਰੀਨਪਲੇਅ ਸਮੁੰਦੜਾ ਤੇ ਡੇਵਿਡ ਵਾਲਟਰ ਦਾ ਹੈ। ਰੁਪਿੰਦਰ ਇੰਦਰਜੀਤ ਨੇ ਫ਼ਿਲਮ ਦੇ ਸੰਵਾਦ ਲਿਖੇ ਹਨ। ‘ਕਾਲੀ ਖੂਹੀ’ ਵਿਚ ਸਤਿਆਦੀਪ ਮਿਸ਼ਰਾ, ਰੀਵਾ ਅਰੋੜਾ ਤੇ ਲੀਲਾ ਸੈਮਸਨ ਵੀ ਅਹਿਮ ਭੂਮਿਕਾਵਾਂ ਵਿਚ ਹਨ। -ਪੀਟੀਆਈ
ਸਬੰਧਿਤ ਖ਼ਬਰਾਂ
