ਮੁੰਬਈ: ਅਦਾਕਾਰਾ ਵਿੱਦਿਆ ਬਾਲਨ ਅਤੇ ਸ਼ੈਫਾਲੀ ਸ਼ਾਹ ਦੀ ਫਿਲਮ ‘ਜਲਸਾ’ ਦਾ 18 ਮਾਰਚ ਨੂੰ ਓਟੀਟੀ ਪਲੈਟਫਾਰਮ ਐਮਾਜ਼ੋਨ ਪ੍ਰਾਈਮ ਵੀਡੀਓ ’ਤੇ ਪ੍ਰੀਮੀਅਰ ਹੋਣ ਜਾ ਰਿਹਾ ਹੈ। ਸੁਰੇਸ਼ ਤ੍ਰਿਵੇਣੀ ਫਿਲਮ ਦੇ ਨਿਰਦੇਸ਼ਕ ਹਨ। ਵਿੱਦਿਆ ਬਾਲਨ ਨਾਲ ਇਹ ਉਨ੍ਹਾਂ ਦੀ ਦੂਜੀ ਫਿਲਮ ਹੈ। ਇਸ ਤੋਂ ਪਹਿਲਾਂ ਦੋਵਾਂ ਨੇ ਇਕੱਠਿਆਂ ‘ਤੁਮਹਾਰੀ ਸੁਲੂ’ ਵਿਚ ਕੰਮ ਕੀਤਾ ਸੀ। ‘ਜਲਸਾ’ ਵਿਚ ਮਾਨਵ ਕੌਲ, ਰੋਹਿਨੀ ਹਤੰਗੜੀ, ਇਕਬਾਲ ਖਾਨ, ਵਿਧਾਤਰੀ ਬੰਦੀ, ਸ੍ਰੀਕਾਂਤ ਮੋਹਨ ਯਾਦਵ ਅਤੇ ਹੋਰ ਕਲਾਕਾਰਾਂ ਨੇ ਅਹਿਮ ਕਿਰਦਾਰ ਨਿਭਾਏ ਹਨ। ਸੁਰੇਸ਼ ਤ੍ਰਿਵੇਣੀ ਨੇ ਭੂਸ਼ਣ ਕੁਮਾਰ ਤੇ ਕ੍ਰਿਸ਼ਨ ਕੁਮਾਰ ਦੀ ‘ਟੀ ਸੀਰੀਜ਼’, ਵਿਕਰਮ ਮਲਹੋਤਰਾ ਤੇ ਸ਼ਿਖਾ ਸ਼ਰਮਾ ਦੀ ‘ਅਬੁਨਦੰਤੀਆ ਐਂਟਰਟੇਨਮੈਂਟ’ ਨਾਲ ਮਿਲ ਕੇ ਫਿਲਮ ਦਾ ਨਿਰਮਾਣ ਕੀਤਾ ਹੈ। ‘ਟੀ ਸੀਰੀਜ਼’ ਦੇ ਚੇਅਰਮੈਨ ਅਤੇ ਮੈਨੇਜਿੰਗ ਡਾਇਰੈਕਟਰ ਭੂਸ਼ਣ ਕੁਮਾਰ ਨੇ ਕਿਹਾ, ‘‘ਜਲਸਾ ਉਨ੍ਹਾਂ ਸਭ ਤੋਂ ਮਨੋਰੰਜਕ ਫਿਲਮਾਂ ’ਚੋਂ ਇੱਕ ਹੈ, ਜਿਨ੍ਹਾਂ ਦਾ ਅਸੀਂ ਹਿੱਸਾ ਰਹੇ ਹਾਂ। ਮੈਂ ਬਹੁਤ ਖੁਸ਼ ਹਾਂ ਕਿ ਇਹ ਸਾਡੇ ਸਭ ਤੋਂ ਭਰੋਸੇ ਵਾਲੇ ਭਾਈਵਾਲਾਂ ’ਚੋਂ ਇੱਕ ‘ਅਬੁਨਦੰਤੀਆ ਐਂਟਰਟੇਨਮੈਂਟ’ ਨਾਲ ਮਿਲ ਕੇ ਬਣਾਈ ਜਾ ਰਹੀ ਹੈ।’’ -ਆਈਏਐੱਨਐੱਸ
ਸਬੰਧਿਤ ਖ਼ਬਰਾਂ
