ਮੁੰਬਈ: ਬੌਲੀਵੁੱਡ ਅਦਾਕਾਰ ਤੇ ਫਿਲਮਸਾਜ਼ ਫਰਹਾਨ ਅਖ਼ਤਰ ਡਿਜ਼ਨੀ ਪਲੱਸ ’ਤੇ ਆਉਣ ਵਾਲੀ ਸੀਰੀਜ਼ ‘ਮਿਸ. ਮਾਰਵਲ’ ਵਿੱਚ ਅਹਿਮ ਭੂਮਿਕਾ ਨਿਭਾਵੇਗਾ। ‘ਡੈੱਡਲਾਈਨ’ ਦੀ ਰਿਪੋਰਟ ਅਨੁਸਾਰ ਅਦਾਕਾਰ ਦੇ ਕਿਰਦਾਰ ਬਾਰੇ ਵੇਰਵੇ ਹਾਲੇ ਸਾਂਝੇ ਨਹੀਂ ਕੀਤੇ ਗਏ। ਹਾਲਾਂਕਿ ਸੀਰੀਜ਼ ਵਿੱਚ ਉਸ ਦੀ ਭੂਮਿਕਾ ਮਹਿਮਾਨ-ਅਦਾਕਾਰ ਵਜੋਂ ਮੰਨੀ ਜਾ ਰਹੀ ਹੈ। ‘ਮਿਸ. ਮਾਰਵਲ’ ਦਾ ਪ੍ਰੀਮੀਅਰ 8 ਜੂਨ ਨੂੰ ਹੋਵੇਗਾ ਅਤੇ ਇਮਾਨ ਵਿਲਾਨੀ ਨੂੰ ਕਮਲਾ ਖ਼ਾਨ ਵਜੋਂ ਪੇਸ਼ ਕੀਤਾ ਹੈ, ਜਿਸ ਦਾ ਪਾਲਣ-ਪੋਸ਼ਣ ਜਰਸੀ ਸ਼ਹਿਰ ਵਿੱਚ ਇੱਕ ਮੁਸਲਿਮ ਅਮਰੀਕੀ ਵਜੋਂ ਹੋਇਆ ਹੈ। ਇਸ ਤੋਂ ਇਲਾਵਾ ਸੀਰੀਜ਼ ਵਿੱਚ ਅਰਾਮਿਸ ਨਾਈਟ, ਸਾਗਰ ਸ਼ੇਖ, ਰਿਸ਼ ਸ਼ਾਹ, ਜ਼ੇਨੋਬੀਆ ਸ਼ਰੌਫ, ਮੋਹਨ ਕਪੂਰ, ਮੈਟ ਲਿੰਟਜ਼, ਯਾਸਮੀਨ ਫਲੇਚਰ, ਲੈਥ ਨਕਲੀ, ਅਜ਼ਹਰ ਉਸਮਾਨ, ਟਰੈਵੀਨਾ ਸਪ੍ਰਿੰਗਰ ਅਤੇ ਨਿਮਰਾ ਬੁੱਚਾ ਨੇ ਕੰਮ ਕੀਤਾ ਹੈ। ਅਖ਼ਤਰ ਇਸ ਸਮੇਂ ਪ੍ਰਿਯੰਕਾ ਚੋਪੜਾ ਜੋਨਸ, ਆਲੀਆ ਭੱਟ ਅਤੇ ਕੈਟਰੀਨਾ ਕੈਫ਼ ਦੀ ਫਿਲਮ ‘ਜੀਅ ਲੇ ਜ਼ਰਾ’ ਦਾ ਨਿਰਦੇਸ਼ਨ ਕਰ ਰਿਹਾ ਹੈ। ਉਸ ਨੇ ਆਪਣੇ ਅਤੇ ਰਿਤੇਸ਼ ਸਿਧਵਾਨੀ ਦੇ ਮੁੰਬਈ ਆਧਾਰਿਤ ਐਕਸਲ ਐਂਟਰਟੇਨਮੈਂਟ ਰਾਹੀਂ ਨੈੱਟਫਲਿਕਸ ਨਾਲ ਕਈ ਸਾਲਾਂ ਦੀ ਸਾਂਝੇਦਾਰੀ ਵੀ ਕੀਤੀ ਹੈ। ‘ਮਿਸ. ਮਾਰਵਲ’ ਦੇ ਐਪੀਸੋਡ ਆਦਿਲ ਅਲ ਅਰਬੀ ਅਤੇ ਬਿਲਾਲ ਫੱਲਾਹ, ਮੀਰਾ ਮੈਨਨ ਅਤੇ ਸ਼ਰਮੀਨ ਓਬੈਦ-ਚਿਨੋਏ ਵੱਲੋਂ ਨਿਰਦੇਸ਼ਿਤ ਕੀਤੇ ਗਏ ਹਨ। ਇਸ ਦੇ ਕਾਰਜਕਾਰੀ ਨਿਰਮਾਤਾ ਕੇਵਿਨ ਫੀਗੇ, ਲੁਈਸ ਡੀ’ਐਸਪੋਸਿਟੋ, ਵਿਕਟੋਰੀਆ ਅਲੋਂਸੋ ਅਤੇ ਬਿਸ਼ਾ ਕੇ. ਅਲੀ ਹਨ। -ਆਈਏਐੱਨਐੱਸ
ਸਬੰਧਿਤ ਖ਼ਬਰਾਂ
