ਮੁੰਬਈ, 15 ਅਕਤੂਬਰ
ਬੌਲੀਵੁੱਡ ਅਦਾਕਾਰ ਆਮਿਰ ਨੇ ਅਕਸ਼ੈ ਕੁਮਾਰ ਦੀ ਆਊਣ ਵਾਲੀ ਡਰਾਊਣੀ-ਮਜ਼ਾਹੀਆ ਫ਼ਿਲਮ ਲਕਸ਼ਮੀ ਬੰਬ ਦੇ ਟਰੇਲਰ ਦਾ ਤਾਰੀਫ਼ ਕੀਤੀ ਅਤੇ ਕਿਹਾ ਕਿ ਊਹ ਇਹ ਫ਼ਿਲਮ ਸਿਨੇਮਾ ਘਰਾਂ ’ਚ ਰਿਲੀਜ਼ ਹੋਣ ਦੀ ਦੁਆ ਕਰਦੇ ਹਨ। ਆਮਿਰ ਖ਼ਾਨ ਨੇ ਅੱਜ ਟਵੀਟ ਕੀਤਾ, ‘ਮੇਰੇ ਪਿਆਰੇ ਦੋਸਤ ਅਕਸ਼ੈ ਕੁਮਾਰ, ਕਿੰਨਾ ਲਾਜਵਾਬ ਟਰੇਲਰ ਹੈ। ਇਸ ਨੂੰ ਦੇਖਣ ਲਈ ਹੋਰ ਇੰਤਜ਼ਾਰ ਨਹੀਂ ਕਰ ਸਕਦਾ। ਮੈਂ ਦੁਆ ਕਰਦਾ ਹਾਂ ਕਿ ਇਹ ਸਿਨੇਮਿਆਂ ’ਚ ਰਿਲੀਜ਼ ਹੋਵੇ। ਤੁਹਾਡੀ ਅਦਾਕਾਰੀ ਕਮਾਲ ਦੀ ਹੈ। ਸਾਰਿਆਂ ਨੂੰ ਸ਼ੁੱਭਕਾਮਨਾਵਾਂ।’
ਇਸ ਦੇ ਜਵਾਬ ’ਚ ਅਕਸ਼ੈ ਕੁਮਾਰ ਨੇ ਟਵੀਟ ਕੀਤਾ, ‘ਆਮਿਰ ਖ਼ਾਨ ਵੱਲੋਂ ਪ੍ਰਸ਼ੰਸਾ ਮਤਲਬ ਇਸ ‘ਔਖੇ ਸਮੇਂ’ ਵਿੱਚ ਬਹੁਤ ਕੁਝ ਹੈ।’ ਆਮਿਰ ਖ਼ਾਨ ਨੇ ‘ਲਕਸ਼ਮੀ ਬੰਬ’ ਫ਼ਿਲਮ ਸਿਨੇਮਿਆਂ ’ਚ ਰਿਲੀਜ਼ ਕਰਨ ਦੀ ਮੰਗ ਕੀਤੀ ਹੈ, ਜਿਸ ਨੂੰ ਇੱਕ ਓਟੀਟੀ ਪਲੈਟਫਾਰਮ ’ਤੇ ਰਿਲੀਜ਼ ਕਰਨ ਦੀ ਤਿਆਰੀ ਹੋ ਚੁੱਕੀ ਹੈ। ਇਸ ਤੋਂ ਪਹਿਲਾਂ ਅਦਾਕਾਰਾ ਤਾਪਸੀ ਪੰਨੂ ਅਤੇ ਮੀਰਾ ਚੋਪੜਾ ਨੇ ਅਕਸ਼ੈ ਕੁਮਾਰ ਨੂੰ ਟਵੀਟ ਕਰਕੇ ਇਹ ਫ਼ਿਲਮ ਸਿਨੇਮਾ ਘਰਾਂ ’ਚ ਦੇਖਣ ਦੀ ਇੱਛਾ ਜਤਾਈ ਸੀ। -ਆਈਏਐੱਨਐੱਸ
