ਮੁੰਬਈ, 14 ਅਗਸਤ
ਅਦਾਕਾਰ ਅਭਿਮੰਨਿਊ ਸਿੰਘ ਸੁਪਰਸਟਾਰ ਰਜਨੀਕਾਂਤ ਦੀ ਆਉਣ ਵਾਲੀ ਫ਼ਿਲਮ ‘ਅੰਨਾਥੇ’ ਵਿੱਚ ਨਜ਼ਰ ਆਉਣਗੇ। ਇਸ ਫ਼ਿਲਮ ਨੂੰ ਬਣਾਉਣ ਵਾਲੀ ‘ਸਨ ਪਿਕਚਰਜ਼’ ਨੇ ਅੱਜ ਇਹ ਐਲਾਨ ਅੱਜ ਕੀਤਾ ਹੈ। ਫ਼ਿਲਮ ਦੀ ਕਹਾਣੀ ਸ਼ਿਵਾ ਨੇ ਲਿਖੀ ਹੈ ਅਤੇ ਉਹ ਇਸ ਦਾ ਨਿਰਦੇਸ਼ਨ ਵੀ ਕਰ ਰਹੇ ਹਨ। ਉਹ ਇਸ ਤੋਂ ਪਹਿਲਾਂ ‘ਸਿਰੂਥਈ’, ‘ਵੇਧਲਾਮ’ ਅਤੇ ‘ਵਿਸ਼ਵਾਸਮ’ ਵਰਗੀਆਂ ਫ਼ਿਲਮਾਂ ਬਣਾ ਚੁੱਕੇ ਹਨ। ਸਨ ਪਿਕਚਰਜ਼ ਨੇ ਆਪਣੇ ਅਧਿਕਾਰਤ ਟਵਿੱਟਰ ’ਤੇ ਸਿੰਘ ਦੇ ਇਸ ਫ਼ਿਲਮ ਨਾਲ ਜੁੜਨ ਦੀ ਪੁਸ਼ਟੀ ਕੀਤੀ ਹੈ। ‘ਅੰਨਾਥੇ’ ਵਿੱਚ ਨਯਨਤਾਰਾ, ਕੀਰਤੀ ਸੁਰੇਸ਼, ਜੈਕੀ ਸ਼ਰਾਫ਼ ਅਤੇ ਪ੍ਰਕਾਸ਼ ਰਾਜ ਸਣੇ ਹੋਰ ਅਦਾਕਾਰ ਸ਼ਾਮਲ ਹਨ। ਅਭਿਮੰਨਿਊ ਨੇ ਵੱਡੇ ਪਰਦੇ ’ਤੇ ਕੰਮ ਦੀ ਸ਼ੁਰੂਆਤ 2001 ਵਿੱਚ ਰਾਕੇਸ਼ ਓਮ ਪ੍ਰਕਾਸ਼ ਮਹਿਰਾ ਦੀ ਨਿਰਦੇਸ਼ਨ ਹੇਠ ਬਣੀ ਫ਼ਿਲਮ ‘ਅਕਸ’ ਨਾਲ ਕੀਤੀ ਸੀ। ਇਸ ਤੋਂ ਪਹਿਲਾਂ ਉਹ ‘ਰਕਤਚਰਿੱਤਰ‘, ‘ਆਈਐੱਮ’, ‘ਮੌਮ’, ‘ਗੋਲੀਓ ਕੀ ਰਾਸਰੀਲਾ ਰਾਮ-ਲੀਲਾ’, ‘ਗੁਲਾਲ’, ‘ਜੰਨਤ’ ਅਤੇ ‘ਲਕਸ਼ੈ’ ਜਿਹੀਆਂ ਫ਼ਿਲਮਾਂ ਵਿੱਚ ਕੰਮ ਕਰ ਚੁੱਕਾ ਹੈ। ਉਸ ਨੇ ਦੱਖਣ ਦੀਆਂ ਫ਼ਿਲਮਾਂ ਵਿੱਚ ਵੀ ਕੰਮ ਕੀਤਾ ਹੈ, ਜਿਨ੍ਹਾਂ ਵਿੱਚ ‘ਆਕਸੀਜਨ’, ‘ਅਮਰ ਅਕਬਰ ਐਂਥਨੀ’ ਅਤੇ ‘ਥੀਰਨ ਅਧੀਗਾਰਮ ਓਂਡਰੂ’ ਸ਼ਾਮਲ ਹਨ। ‘ਅੰਨਾਥੇ’ ਇਸ ਸਾਲ ਦੀਵਾਲੀ ’ਤੇ ਰਿਲੀਜ਼ ਹੋਣ ਦੀ ਸੰਭਾਵਨਾ ਹੈ। -ਪੀਟੀਆਈ
