ਮੁੰਬਈ, 9 ਅਗਸਤ
ਉੱਘੇ ਅਦਾਕਾਰ ਅਨੂਪਮ ਸ਼ਿਆਮ ਦਾ ਅੱਜ ਦੇਹਾਂਤ ਹੋ ਗਿਆ। ਉਹ 63 ਸਾਲਾਂ ਦੇ ਸਨ। ਅਦਾਕਾਰ ਨੂੰ ਪਿਛਲੇ ਹਫ਼ਤੇ ਗੁਰਦੇ ਦੀ ਲਾਗ ਕਰਕੇ ਸਿਟੀ ਹਸਪਤਾਲ ਵਿੱਚ ਦਾਖ਼ਲ ਕਰਵਾਇਆ ਗਿਆ ਸੀ। ਅਦਾਕਾਰ ਯਸ਼ਪਾਲ ਸ਼ਰਮਾ ਨੇ ਕਿਹਾ ਕਿ ਅਨੂਪਮ ਦੇ ਸਰੀਰ ਦੇ ਕਈ ਅੰਗ ਕੰਮ ਕਰਨੋਂ ਹਟ ਗਏ ਸੀ। ਅਨੂਪਮ ਨੂੰ ਟੀਵੀ ਸ਼ੋਅ ‘ਮਨ ਕੀ ਆਵਾਜ਼: ਪ੍ਰਤੀਗਿਆ’ ਵਿੱਚ ਨਿਭਾਈ ਲਈ ਭੂਮਿਕਾ ਜਾਣਿਆ ਜਾਂਦਾ ਸੀ। ਉਂਜ ਅਦਾਕਾਰ ਵੱੱਲੋਂ ‘ਸਲੱਮਡੌਗ ਮਿਲੀਅਨਏਅਰ’ ਤੇ ‘ਬੈਂਡਿਟ ਕੁਈਨ’ ਫਿਲਮਾਂ ਵਿੱਚ ਨਿਭਾਏ ਕਿਰਦਾਰਾਂ ਨੂੰ ਵੀ ਕਾਫ਼ੀ ਸਲਾਹਿਆ ਗਿਆ। ਅਦਾਕਾਰ ਨੂੰ ਚਾਰ ਦਿਨ ਪਹਿਲਾਂ ਨੀਮ ਸ਼ਹਿਰੀ ਗੋਰੇਗਾਓਂ ਸਥਿਤ ਲਾਈਫਲਾਈਨ ਹਸਪਤਾਲ ਵਿੱਚ ਦਾਖ਼ਲ ਕਰਵਾਇਆ ਗਿਆ ਸੀ। ਅਨੂਪਮ ਵੱਲੋਂ ਆਖਰੀ ਸਾਹ ਲੈਣ ਮੌਕੇ ਉਨ੍ਹਾਂ ਦੇ ਦੋਵੇਂ ਭਰਾ ਅਨੁਰਾਗ ਤੇ ਕੰਚਨ ਮੌਜੂਦ ਸਨ। -ਪੀਟੀਆਈ
