ਮੁੰਬਈ, 2 ਸਤੰਬਰ
ਕਈ ਐਵਾਰਡ ਜੇਤੂੁ ਫਿਲਮ ‘ਹਮ ਭੀ ਅਕੇਲੇ, ਤੁਮ ਭੀ ਅਕੇਲੇ’ ਵਿੱਚ ਸਮਲਿੰਗੀ ਦਾ ਕਿਰਦਾਰ ਨਿਭਾਉਣ ਵਾਲੇ ਅਦਾਕਾਰ ਅੰਸ਼ੂਮਨ ਝਾਅ ਨੇ ਆਪਣੀ ਅਗਲੀ ਐਕਸ਼ਨ ਫਿਲਮ ‘ਲੱਕੜਬੱਗਾ’ ਦੀ ਲਈ ਤਿਆਰੀ ਸ਼ੁਰੂ ਕਰ ਦਿੱਤੀ ਹੈ। ਅੰਸ਼ੂਮਨ ਨੇ ਦੱਸਿਆ, ‘‘ਮੈਂ ਜਾਨਵਰਾਂ ਨੂੰ ਪਿਆਰ ਕਰਦਾ ਹਾਂ ਅਤੇ ਹਮੇਸ਼ਾ ਤੋਂ ਹੀ ਐਕਸ਼ਨ ਫਿਲਮਾਂ ਵੀ ਪਸੰਦ ਕਰਦਾ ਹਾਂ, ‘ਲੱਕੜਬੱਗਾ’ ਮੇਰੇ ਦੋਵਾਂ ਸ਼ੌਕਾਂ ਦਾ ਸੁਮੇਲ ਹੈ। ਮੈਂ ਪਹਿਲੀ ਵਾਰ ਇੱਕ ਲਾਜਵਾਬ ਐਕਸ਼ਨ ਫਿਲਮ ਦਾ ਹਿੱਸਾ ਬਣ ਕੇ ਖੁਸ਼ ਹਾਂ। ਫਿਲਮ ਦੀ ਕਹਾਣੀ ਇੱਕ ਸਮਾਜਿਕ ਮੁੱਦੇ ਨਾਲ ਜੁੜੀ ਹੋਈ ਹੈ। ਫਿਲਹਾਲ ਮੈਂ ਇਸ ’ਤੇ ਧਿਆਨ ਕੇਂਦਰਿਤ ਕਰਾਂਗਾ ਅਤੇ ਇਸ ਲਈ ਮੈਂ ਬਾਕੀ ਸਾਰੇ ਪ੍ਰਾਜੈਕਟ ਰੋਕ ਦਿੱਤੇ ਹਨ ਤਾਂ ਜੋ ਮੈਂ ਆਪਣਾ ਪੂਰਾ ਸਮਾਂ ਇਸ ਨੂੰ ਦੇ ਸਕਾਂ।’’ ਵਿਕਟਰ ਮੁਖਰਜੀ ਦੇ ਨਿਰਦੇਸ਼ਨ ਹੇਠ ਬਣ ਰਹੀ ਇਹ ਫਿਲਮ ਪੂਰਬੀ ਕੋਲਕਾਤਾ, ਚਾਈਨਾ ਟਾਊਨ ਵਿੱਚ ਫਿਲਮਾਈ ਜਾ ਰਹੀ ਹੈ। -ਆਈਏਐੱਨਐੱਸ
