ਮੁੰਬਈ: ਬੌਲੀਵੁੱਡ ਅਦਾਕਾਰ ਅਰਜੁਨ ਕਪੂਰ ਨੇ ਜਾਹਨਵੀ ਕਪੂਰ ਦੀ ਨਵੀਂ ਫਿਲਮ ‘ਮਿਲੀ’ ਦੇ ਰਿਲੀਜ਼ ਹੋਣ ‘ਤੇ ਆਪਣੀ ਛੋਟੀ ਭੈਣ ਦੀ ਤਾਰੀਫ਼ ਕਰਦਿਆਂ ਕਿਹਾ ਕਿ ਇੱਕ ਅਦਾਕਾਰ ਅਤੇ ਇੱਕ ਸਟਾਰ ਦੇ ਤੌਰ ‘ਤੇ ਉਸ ਦੀ ਕਾਰਗੁਜ਼ਾਰੀ ਸ਼ਾਨਦਾਰ ਹੈ। ਅਰਜੁਨ ਨੇ ਇਸ ਸਬੰਧੀ ਇੰਸਟਾਗ੍ਰਾਮ ‘ਤੇ ਤਸਵੀਰਾਂ ਵੀ ਅਪਲੋਡ ਕੀਤੀਆਂ ਹਨ। ਉਸ ਨੇ ਸਭ ਤੋਂ ਪਹਿਲਾਂ ਆਪਣੀ ਅਤੇ ਜਾਹਨਵੀ ਦੀ ਬਚਪਨ ਦੀ ਤਸਵੀਰ ਅਪਲੋਡ ਕੀਤੀ ਹੈ ਜਦਕਿ ਦੋਵਾਂ ਦੀ ਦੂਜੀ ਤਸਵੀਰ ਹਾਲ ਹੀ ਦੀ ਜਾਪਦੀ ਹੈ। ਅਰਜੁਨ ਨੇ ਜਾਹਨਵੀ ਦੀ ਫਿਲਮ ‘ਮਿਲੀ’ ਦਾ ਪੋਸਟਰ ਵੀ ਸਾਂਝਾ ਕੀਤਾ ਹੈ। ਉਸ ਨੇ ਆਖਿਆ, ”ਜਾਹਨਵੀ ਕਪੂਰ ਤੁਸੀਂ ਲਗਾਤਾਰ ਮੇਰਾ ਮਾਣ ਵਧਾਇਆ ਹੈ।” ਅਰਜੁਨ ਨੇ ਜਾਹਨਵੀ ਦੀ ਅਦਾਕਾਰੀ ਦੀ ਖੂਬ ਸ਼ਲਾਘਾ ਕਰਦਿਆਂ ਕਿਹਾ ਕਿ ਉਸ ਨੇ ਫਿਲਮ ‘ਮਿਲੀ’ ਵਿਚ ਆਪਣਾ ਕਿਰਦਾਰ ਬਾਖੂਬੀ ਨਿਭਾਇਆ ਹੈ। ਉਸ ਨੇ ਕਿਹਾ ਕਿ, ‘ਰੱਬ ਕਰੇ ਤੁਹਾਨੂੰ ਬਹੁਤ ਸਾਰਾ ਪਿਆਰ ਮਿਲੇ ਜਿਸ ਦੇ ਤੁਸੀਂ ਸੱਚਮੁੱਚ ਹੱਕਦਾਰ ਹੋ। ਲਵ ਯੂ ਲੋਟਸ!’ ਜ਼ਿਕਰਯੋਗ ਹੈ ਕਿ ਫਿਲਮ ‘ਮਿਲੀ’ ਦੇ ਨਿਰਮਾਤਾ ਬੋਨੀ ਕਪੂਰ ਹਨ ਤੇ ਇਸ ਦਾ ਨਿਰਦੇਸ਼ਨ ਮੁਥੂਕੁਟੀ ਜ਼ੇਵੀਅਰ ਨੇ ਕੀਤਾ ਹੈ। ਫਿਲਮ ਵਿੱਚ ਜਾਹਨਵੀ, ਸਨੀ ਕੌਸ਼ਲ ਅਤੇ ਮਨੋਜ ਪਾਹਵਾ ਅਦਾਕਾਰ ਹਨ। ਇਹ ਫਿਲਮ ਮਲਿਆਲਮ ਫਿਲਮ ‘ਹੈਲਨ’ ਦਾ ਰੀਮੇਕ ਹੈ। ਇਹ ਇੱਕ ਔਰਤ ਦੀ ਕਹਾਣੀ ਹੈ ਜੋ ਫਰੀਜ਼ਰ ਵਿਚ ਫਸ ਜਾਂਦੀ ਹੈ ਤੇ ਜ਼ਿੰਦਾ ਰਹਿਣ ਲਈ ਸੰਘਰਸ਼ ਕਰਦੀ ਹੈ। -ਆਈਏਐੱਨਐੱਸ
ਸਬੰਧਿਤ ਖ਼ਬਰਾਂ
