ਮੁੰਬਈ, 23 ਸਤੰਬਰ
‘ਟਾਈਮ’ ਰਸਾਲੇ ਨੇ ਅਦਾਕਾਰ ਆਯੂਸ਼ਮਾਨ ਖੁਰਾਨਾ ਨੂੰ ਦੁਨੀਆਂ ਦੀਆਂ 100 ਸਭ ਤੋਂ ਪ੍ਰਭਾਵਸ਼ਾਲੀ ਸ਼ਖ਼ਸੀਅਤਾਂ ਵਿਚ ਸ਼ੁਮਾਰ ਕੀਤਾ ਹੈ। 36 ਸਾਲਾ ਅਦਾਕਾਰ ਨੇ ਕਿਹਾ ਕਿ ਉਸ ਨੇ ਹਮੇਸ਼ਾ ਸਿਨੇਮਾ ਰਾਹੀਂ ਸਮਾਜ ਵਿਚ ਸਕਾਰਾਤਮਕ ਬਦਲਾਅ ਲਿਆਉਣ ਦੀ ਕੋਸ਼ਿਸ਼ ਕੀਤੀ ਹੈ। ਦੱਸਣਯੋਗ ਹੈ ਕਿ ਆਯੂਸ਼ਮਾਨ ਨੇ ਰਿਐਲਟੀ ਟੀਵੀ ਸ਼ੋਅ ’ਚ ਹਿੱਸਾ ਲੈਣ ਤੋਂ ਲੈ ਕੇ ਆਰਜੇ/ਵੀਜੇ ਬਣਨ ਤੱਕ ਅਤੇ ਮਗਰੋਂ ਟੀਵੀ ਸ਼ੋਅ ਮੇਜ਼ਬਾਨ ਤੋਂ ਅਦਾਕਾਰ ਬਣ ਕੇ ਸਫ਼ਲਤਾ ਦੀਆਂ ਬੁਲੰਦੀਆਂ ਤੱਕ ਪਹੁੰਚਣ ਦਾ ਲੰਮਾ ਸਫ਼ਰ ਤੈਅ ਕੀਤਾ ਹੈ। ਕੌਮੀ ਸਨਮਾਨ ਜੇਤੂ ਅਦਾਕਾਰ ਤੋਂ ਇਲਾਵਾ ਸੂਚੀ ਵਿਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ‘ਸ਼ਾਹੀਨ ਬਾਗ਼ ਦੀ ਦਾਦੀ’ ਬਿਲਕੀਸ ਵੀ ਸ਼ਾਮਲ ਹੈ। ਗੂਗਲ ਦੇ ਸੀਈਓ ਸੁੰਦਰ ਪਿਚਈ ਤੇ ਲੰਡਨ ਅਧਾਰਿਤ ਡਾਕਟਰ ਰਵਿੰਦਰ ਗੁਪਤਾ ਵੀ ਸੂਚੀ ਵਿਚ ਸ਼ਾਮਲ ਹਨ। -ਪੀਟੀਆਈ
