ਮੁੰਬਈ: ਫਿਲਮਸਾਜ਼ ਤੇ ਕੋਰੀਓਗ੍ਰਾਫਰ ਫਰਾਹ ਖਾਨ ਨੂੰ ਯੂਏਈ ਦਾ ਗੋਲਡਨ ਵੀਜ਼ਾ ਮਿਲ ਗਿਆ ਹੈ। ਉਸ ਨੇ ਸਨਮਾਨ ਮਿਲਣ ਮਗਰੋਂ ਇੰਸਟਾਗ੍ਰਾਮ ’ਤੇ ਖੁਸ਼ੀ ਜ਼ਾਹਿਰ ਕੀਤੀ। ਉਸ ਨੇ ਦੱਸਿਆ ਕਿ ਉਸ ਨੂੰ ਭਾਰਤੀ ਸਿਨੇਮਾ ਵਿੱਚ ਉਸ ਦੇ ਯੋਗਦਾਨ, ਫਿਲਮਾਂ ਦੀਆਂ ਪ੍ਰਾਪਤੀਆਂ ਅਤੇ 2014 ਵਿੱਚ ਸ਼ਾਹਰੁਖ ਖਾਨ ਨਾਲ ਆਈ ਫਿਲਮ ‘ਹੈਪੀ ਨਿਊ ਯੀਅਰ’ ਨੂੰ ਦੁਬਈ ਨਾਲ ਜੋੜਨ ਲਈ ਇਹ ਗੋਲਡਨ ਟਿਕਟ ਪ੍ਰਾਪਤ ਹੋਈ ਹੈ। ਉਸ ਨੇ ਗੋਲਡਨ ਵੀਜ਼ਾ ਨਾਲ ਤਸਵੀਰ ਸਾਂਝੀ ਕਰਦਿਆਂ ਲਿਖਿਆ, ‘‘ਜਿੰਨਾ ਮਰਜ਼ੀ ਮਨ੍ਹਾਂ ਕਰ ਲਓ ਪਰ ਸ਼ਲਾਘਾ ਹੋਣ ’ਤੇ ਚੰਗਾ ਮਹਿਸੂਸ ਹੁੰਦਾ ਹੈ। ਐਕਸਪੋ 2020 ਦੁਬਈ ਦਾ ਗੋਲਡਨ ਵੀਜ਼ਾ ਮਿਲਣ ’ਤੇ ਫਖਰ ਮਹਿਸੂਸ ਕਰ ਰਹੀ ਹਾਂ।’’ ਉਸ ਨੇ ‘ਦੁਬਈ ਫਿਲਮ’ ਤੇ ‘ਟੀਵੀ ਕਮਿਸ਼ਨ 4’ ਦਾ ਵੀ ਧੰਨਵਾਦ ਕੀਤਾ। ਇਸ ਤੋਂ ਪਹਿਲਾਂ ਸੰਜੈ ਦੱਤ, ਸ਼ਾਹਰੁਖ ਖਾਨ, ਜਾਹਨਵੀ ਕਪੂਰ ਸਣੇ ਹੋਰਾਂ ਨੂੰ ਯੂਏਈ ਗੋਲਡਨ ਵੀਜ਼ਾ ਮਿਲ ਚੁੱਕਾ ਹੈ। -ਆਈਏਐੱਨਐੱਸ
ਸਬੰਧਿਤ ਖ਼ਬਰਾਂ
