ਮੁੰਬਈ: ‘ਦਿਲ ਚਾਹਤਾ ਹੈ’ ਦਾ ਨਿਰਦੇਸ਼ਕ ਫਰਹਾਨ ਅਖ਼ਤਰ ਇੱਕ ਨਵੀਂ ਕਹਾਣੀ ਨਾਲ ਵਾਪਸੀ ਕਰ ਰਿਹਾ ਹੈ। ਹਾਲਾਂਕਿ ਫ਼ਿਲਮ ਦੇ ਨਾਮ ਦਾ ਐਲਾਨ ਹੋਣਾ ਬਾਕੀ ਹੈ। ਨਿਰਦੇਸ਼ਕ ਅਤੇ ਲੇਖਕ ਵਜੋਂ ਫਰਹਾਨ ਦੀ ਆਖ਼ਰੀ ਫਿਲਮ ‘ਡੌਨ 2: ਦਿ ਕਿੰਗ ਇੱਜ਼ ਬੈਕ’ ਸੀ। ਫਰਹਾਨ ਨੇ ਆਖ਼ਰੀ ਵਾਰ ਫ਼ਿਲਮ ‘ਤੂਫਾਨ’ ਲਈ ਆਪਣੀ ਕਲਮ ਚਲਾਈ ਸੀ। ਉਸ ਨੂੰ ਇਹ ਕੰਮ ਕੀਤਿਆਂ ਇੱਕ ਸਾਲ ਹੋ ਗਿਆ ਹੈ। ਫਰਹਾਨ ਦੇ ਦੋਸਤ ਅਤੇ ਕਾਰੋਬਾਰੀ ਭਾਈਵਾਲ, ਰਿਤੇਸ਼ ਸਿੰਧਵਾਨੀ, ਜੋ ਫਰਹਾਨ ਨਾਲ ਐਕਸਲ ਐਂਟਰਟੇਨਮੈਂਟ ਦੇ ਸਹਿ-ਸੰਸਥਾਪਕ ਹਨ, ਨੇ ਸੋਸ਼ਲ ਮੀਡੀਆ ’ਤੇ ਅਦਾਕਾਰ ਦੇ ਸਟੱਡੀ ਰੂਮ ਤੋਂ ਇੱਕ ਤਸਵੀਰ ਸਾਂਝੀ ਕੀਤੀ ਹੈ, ਜਿਸ ਵਿੱਚ ਫਰਹਾਨ ਕੁਝ ਲਿਖਦਾ ਨਜ਼ਰ ਆਉਂਦਾ ਹੈ। ਉਸ ਨੇ ਕੈਪਸ਼ਨ ਵਿੱਚ ਲਿਖਿਆ, ‘‘ਜਦੋਂ ਉਹ ਹੱਥ ’ਚ ਪੈੱਨ ਫੜਦਾ ਹੈ ਤਾਂ ਉਸ ਦਾ ਸੌ ਫੀਸਦੀ ਧਿਆਨ ਕਾਗ਼ਜ਼ ’ਤੇ ਹੁੰਦਾ ਹੈ। -ਆਈਏਐੱਨਐੱਸ
ਸਬੰਧਿਤ ਖ਼ਬਰਾਂ
