ਮੁੰਬਈ: ਅਦਾਕਾਰ ਰਿਸ਼ਭ ਸ਼ੈੱਟੀ ਦੀ ਆਉਣ ਵਾਲੀ ਫਿਲਮ ‘ਕਾਂਤਾਰਾ ਚੈਪਟਰ 1’ ਦੀ ਪਹਿਲੀ ਝਲਕ ਅੱਜ ਜਾਰੀ ਕੀਤੀ ਗਈ ਹੈ। ਇਹ ਫਿਲਮ ਸ਼ੈੱਟੀ ਦੀ 2022 ਦੀ ਕੰਨੜ ਮੂਲ ਦੀ ਪੈਨ-ਇੰਡੀਆ ਫਿਲਮ ‘ਕਾਂਤਾਰਾ’ ਤੋਂ ਪਹਿਲਾਂ ਦੀ ਕਹਾਣੀ ’ਤੇ ਆਧਾਰਿਤ ਹੈ। ਇਹ ਫਿਲਮ ਦੇਵਤਾ ਪੰਜੁਰਲੀ ਦੈਵਾ ਦੀ ਕਹਾਣੀ ਪੇਸ਼ ਕਰਦੀ ਹੈ, ਜੋ ਪਿੰਡ ਅਤੇ ਇਸ ਵਿੱਚ ਪੈਂਦੇ ਜੰਗਲ ਨੂੰ ਬਚਾਉਂਦਾ ਹੈ। ਟੀਜ਼ਰ ਇੱਕ ਵਿਲੱਖਣ ਢੰਗ ਨਾਲ ਸਮਾਪਤ ਹੁੰਦਾ ਹੈ। ਟੀਜ਼ਰ ਦੇ ਅੰਤ ਵਿੱਚ ਸੰਗੀਤ ਦੇ ਸੱਤ ਵੱਖ-ਵੱਖ ਰਾਗ ਉਨ੍ਹਾਂ ਭਾਸ਼ਾਵਾਂ ਦੀ ਨੁਮਾਇੰਦਗੀ ਕਰਦੇ ਹਨ ਜਿਨ੍ਹਾਂ ਵਿੱਚ ਫਿਲਮ ਰਿਲੀਜ਼ ਹੋਵੇਗੀ। ‘ਕਾਂਤਾਰਾ’ ਨੇ ਪਿਛਲੇ ਸਾਲ ਵੱਡੀ ਗਿਣਤੀ ਦਰਸ਼ਕਾਂ ਦੇ ਦਿਲ ਵਿੱਚ ਘਰ ਬਣਾਇਆ ਸੀ। ‘ਕਾਂਤਾਰਾ ਚੈਪਟਰ 1’ ਦੀ ਸ਼ੂਟਿੰਗ ਦਸੰਬਰ ਦੇ ਅੰਤ ਵਿੱਚ ਸ਼ੁਰੂ ਹੋਵੇਗੀ। ਇਸ ਫਿਲਮ ਦੇ ਬਾਕੀ ਅਦਾਕਾਰਾਂ ਬਾਰੇ ਹਾਲੇ ਖੁਲਾਸਾ ਨਹੀਂ ਕੀਤਾ ਗਿਆ। ਫਿਲਮ ਦਾ ਨਿਰਮਾਣ ‘ਹੋਮਬੇਲ ਫਿਲਮਜ਼’ ਵੱਲੋਂ ਕੀਤਾ ਜਾਵੇਗਾ। -ਆਈਏਐੱਨਐੱਸ
ਸਬੰਧਿਤ ਖ਼ਬਰਾਂ
