ਨਵੀਂ ਦਿੱਲੀ, 25 ਨਵੰਬਰ
ਬੌਲੀਵੁੱਡ ਸਟਾਰ ਕੈਟਰੀਨਾ ਕੈੈਫ਼ ਦੀ ਭੈਣ ਇਸਾਬੈਲ ਕੈਫ਼ ਨੇ ਹਾਲ ਹੀ ਵਿੱਚ ਪੰਜਾਬੀ ਗਾਇਕ ਦੀਪ ਮਨੀ ਵੱਲੋਂ ਗਾਏ ਗੀਤ ‘ਮਾਅਸ਼ਅੱਲ੍ਹਾ’ ਦੇ ਨਾਲ ਪੰਜਾਬੀ ਮਿਊਜਿਕ ਵੀਡੀਓ ਵਿੱਚ ਆਪਣੀ ਪਹਿਲੀ ਪੇਸ਼ਕਾਰੀ ਦਿੱਤੀ ਹੈ। ਦੀਪ ਦਾ ਕਹਿਣਾ ਹੈ ਕਿ ਇਸਾਬੈਲ ਭਾਵੇਂ ਫ਼ਿਲਮੀ ਸਨਅਤ ਵਿੱਚ ਨਵੀਂ ਹੈ ਪਰ ਉਸ ਵਿੱਚ ਬੜੀ ਕਲਾ ਹੈ। ਦੀਪ ਨੇ ਆਈਏਐੱਨਐੱਸ ਨੂੰ ਦੱਸਿਆ ਕਿ ਮੈਂ ਲੋਕਾਂ ਨੂੰ ਸੁਝਾਅ ਨਹੀਂ ਦਿੰਦਾ। ਉਹ ਬੇਹੱਦ ਪੇਸ਼ੇਵਰ ਹੈ ਅਤੇ ਵੀਡੀਓ ਵਿੱਚ ਬੜਾ ਚੰਗਾ ਕੰਮ ਕੀਤਾ ਹੈ। ਉਨ੍ਹਾਂ ਨੂੰ ਗਾਣਾ ਪਸੰਦ ਆਇਆ ਹੈ ਅਤੇ ਸਭ ਕੁੱਝ ਬਹੁਤ ਚੰਗੇ ਤਰੀਕੇ ਨਾਲ ਹੋਇਆ ਹੈ। ਉਨ੍ਹਾਂ ਕਿਹਾ ਕਿ ਬੇਸ਼ਕ ਕਈ ਰੀਟੇਕ ਕੀਤੇ ਗਏ ਸਨ, ਪਰ ਠੀਕ ਹੈ। ਇੱਕ ਨਵੇਂ ਚਿਹਰੇ ਨਾਲ ਕੰਮ ਕਰਨ ਦਾ ਤਜਰਬਾ ਚੰਗਾ ਲੱਗਿਆ। ਗੀਤ ਅਤੇ ਵੀਡੀਓ ਬਾਰੇ ਦੀਪ ਨੇ ਕਿਹਾ ਕਿ ਇਹ ਇੱਕ ਲੜਕੀ ਦੀ ਖ਼ੂਬਸੂਰਤੀ ਬਾਰੇ ਹੈ। ਦੀਪ ਇਸ ਤੋਂ ਪਹਿਲਾਂ ‘ਰੇਸ 3’ ਵਿੱਚ ਸੁਪਰਸਟਾਰ ਸਲਮਾਨ ਖ਼ਾਨ ਨਾਲ ਕੰਮ ਕਰ ਚੁੱਕੇ ਹਨ। ਉਨ੍ਹਾਂ ਕਿਹਾ ਕਿ ਜੇ ਸਲਮਾਨ ਮੇਰੇ ਨਾਲ ਦੁਬਾਰਾ ਕੰਮ ਕਰਨਾ ਚਾਹੁੰਦੇ ਹਨ, ਉਹ ਇਸ ਲਈ ਤਿਆਰ ਹੈ। -ਆਈਏਐੱਨਐਸ
