ਮੁੰਬਈ, 11 ਜਨਵਰੀ
ਅਦਾਕਾਰਾ ਜਾਹਨਵੀ ਕਪੂਰ ਨੇ ਪੰਜਾਬ ’ਚ ‘ਗੁੱਡ ਲੱਕ ਜੈਰੀ’ ਦੀ ਸ਼ੂਟਿੰਗ ਸ਼ੁਰੂ ਕਰ ਦਿੱਤੀ ਹੈ, ਇਹ ਐਲਾਨ ਸੋਮਵਾਰ ਨੂੰ ਫ਼ਿਲਮ ਦੇ ਪ੍ਰੋਡਿਊਸਰ ਆਨੰਦ ਐੱਲ ਰਾਏ ਨੇ ਕੀਤਾ। ਰਾਏ ਦੇ ਕਲਰ ਯੈਲੋ ਪ੍ਰੋਡਕਸ਼ਨ ਬੈਨਰ ਹੇਠ ਬਣ ਰਹੀ ਇਸ ਫ਼ਿਲਮ ਦੇ ਡਾਇਰੈਕਟਰ ਸਿਧਾਰਥ ਸੇਨਗੁਪਤਾ ਹਨ ਅਤੇ ਇਸ ਨੂੰ ਪੰਕਜ ਮੱਟਾ ਨੇ ਲਿਖਿਆ ਹੈ। ‘ਰਾਂਝਣਾ’ ਅਤੇ ‘ਤਨੂ ਵੈਡਜ਼ ਮਨੂ’ ਜਿਹੀਆਂ ਫ਼ਿਲਮਾਂ ਦੇ ਨਿਰਦੇਸ਼ਨ ਲਈ ਜਾਣੇ ਜਾਂਦੇ ਰਾਏ ਨੇ ਟਵਿੱਟਰ ’ਤੇ ਕਪੂੁਰ ਦੀ ਫ਼ਿਲਮ ਵਿਚਲੀ ਪਹਿਲੀ ਲੁੱਕ ਸਾਂਝੀ ਕੀਤੀ। ਫ਼ਿਲਮਮੇਕਰ ਨੇ ਲਿਖਿਆ, ‘‘ਕਲਰ ਯੈਲੋ ਨੇ 2021 ਦਾ #ਗੁੱਡਲੱਕਜੈਰੀ ਸਟਾਰ #ਜਾਹਨਵੀ ਕਪੂਰ ਨਾਲ ਸੁਆਗਤ ਕੀਤਾ! ਸਾਡੀ ਨਵੀਂ ਫ਼ਿਲਮ ਦੀ ਸ਼ੂਟਿੰਗ ਅੱਜ ਤੋਂ ਸ਼ੁਰੂ ਹੋ ਗਈ ਹੈ।’’ ਫ਼ਿਲਮ ‘ਗੁੱਡ ਲੱਕ ਜੈਰੀ’ ਵਿੱਚ ਦੀਪਕ ਡੋਬਰਿਆਲ, ਮੀਤਾ ਵਸ਼ਿਸ਼ਟ, ਨੀਰਜ ਸੂਦ ਅਤੇ ਸੁਸ਼ਾਂਤ ਸਿੰਘ ਵੀ ਕੰਮ ਕਰ ਰਹੇ ਹਨ। ਫ਼ਿਲਮ ਦਾ ਪਹਿਲਾ ਸ਼ਡਿਊਲ ਮਾਰਚ ਤਕ ਜਾਰੀ ਰਹਿਣ ਦੀ ਉਮੀਦ ਹੈ। ਰਾਏ ਦੀ ਜਾਹਨਵੀ ਨਾਲ ਇਹ ਪਹਿਲੀ ਫ਼ਿਲਮ ਹੈ, ਜੋ ਆਖ਼ਰੀ ਵਾਰ ਕਰਨ ਜੌਹਰ ਨਾਲ ‘ਗੁੰਜਨ ਸਕਸੈਨਾ: ਦਿ ਕਾਰਗਿਲ ਗਰਲ’ ਵਿੱਚ ਦੇਖੇ ਗਏ ਸਨ। -ਪੀਟੀਆਈ
