ਮੁੰਬਈ, 7 ਦਸੰਬਰ
ਹੌਲੀਵੁੱਡ ਸਟਾਰ ਤੇ ਰੈਸਲਰ ਜੌਹਨ ਸੇਨਾ ਨੇ ਭਾਰਤੀ ਅਦਾਕਾਰ ਰਣਵੀਰ ਸਿੰਘ ਦੀਆਂ ਫੋਟੋਆਂ ਸੋਸ਼ਲ ਮੀਡੀਆਂ ’ਤੇ ਸ਼ੇਅਰ ਕੀਤੀਆਂ ਹਨ। ਸੇਨਾ ਨੇ ਰਣਵੀਰ ਦੀ ਆਪਣੇ ਪ੍ਰਸ਼ੰਸਕ ਨਾਲ ਇਕ ਫੋਟੋ ਜਨਤਕ ਕੀਤੀ ਹੈ, ਜਿਸ ਨੇ ਮਾਸਕ ਪਾਇਆ ਹੋਇਆ ਹੈ ਜਿਸ ’ਤੇ ਲਿਖਿਆ ਹੈ ਕਿ ਅਪਨਾ ਟਾਈਮ ਆਏਗਾ। ਹੌਲੀਵੁੱਡ ਸਟਾਰ ਨੇ ਰਣਵੀਰ ਦੀ ਫੋਟੋ ਨਾਲ ਕੋਈ ਕੈਪਸ਼ਨ ਨਹੀਂ ਲਿਖੀ ਤੇ ਇਸ ਤਸਵੀਰ ਨੂੰ ਹਾਲੇ ਤਕ ਪੌਣੇ ਪੰਜ ਲੱਖ ਲੋਕਾਂ ਨੇ ਪਸੰਦ ਕਰ ਦਿੱਤਾ ਹੈ। ਰਣਵੀਰ ਨੇ ਇਸ ਫੋਟੋ ’ਤੇ ਖੁਸ਼ਨੁਮਾ ਚਿੰਨ੍ਹ ਪਾਉਂਦਿਆਂ ਲਿਖਿਆ ਹੈ ਕੁਛ ਭੀ (ਐਨੀਥਿੰਗ)।
ਰਣਵੀਰ ਦੇ ਦੋਸਤ ਤੇ ਅਦਾਕਾਰ ਅਰਜੁਨ ਕਪੂਰ ਨੇ ਇਸ ਫੋਟੋ ’ਤੇ ਬਾਬਾ, ਬਾਬਾ, ਬਾਬਾ ਲਿਖਿਆ ਹੈ। ਸੇਨਾ ਵਲੋਂ ਇਹ ਤਸਵੀਰ ਪਾਉਣ ਤੋਂ ਬਾਅਦ ਭਾਰਤੀ ਲੋਕਾਂ ਨੇ ਵੀ ਹਾਂ-ਪੱਖੀ ਟਿੱਪਣੀਆਂ ਕੀਤੀਆਂ ਹਨ। ਕਈਆਂ ਨੇ ਲਿਖਿਆ ਹੈ ਕਿ ਜੌਹਨ ਸੇਨਾ ਦਿਲ ਸੇ ਇੰਡੀਅਨ। ਸੇਨਾ ਨੇ ਪਹਿਲੀ ਵਾਰ ਕਿਸੇ ਭਾਰਤੀ ਅਦਾਕਾਰ ਦੀ ਤਸਵੀਰ ਸ਼ੇਅਰ ਨਹੀਂਂ ਕੀਤੀ, ਇਸ ਤੋਂ ਪਹਿਲਾਂ ਉਸ ਨੇ ਅਮਿਤਾਭ ਬਚਨ, ਅਭਿਸ਼ੇਕ ਬਚਨ ਤੇ ਐਸ਼ਵਰਿਆ ਰਾਏ ਦੀਆਂ ਤਸਵੀਰਾਂ ਵੀ ਸ਼ੇਅਰ ਕੀਤੀਆਂ ਸਨ ਤੇ ਉਸ ਨੇ ਅਦਾਕਾਰ ਸੁਸ਼ਾਂਤ ਸਿੰਘ ਰਾਜਪੂਤ ਨੂੰ ਸ਼ਰਧਾਂਜਲੀ ਵੀ ਦਿੱਤੀ ਸੀ। -ਆਈਏਐੱਨਐੱਸ
