ਚੇਨੱਈ: ਅਦਾਕਾਰ ਧਨੁਸ਼ ਅਤੇ ਅਦਾਕਾਰਾ ਮਾਲਵਿਕਾ ਮੋਹਨਨ ਦੀਆਂ ਮੁੱਖ ਭੂਮਿਕਾਵਾਂ ਵਾਲੀ ਅਤੇ ਨਿਰਦੇਸ਼ਕ ਕਾਰਤਿਕ ਨਰੇਨ ਦੀ ਆ ਰਹੀ ਅਗਲੀ ਫਿਲਮ ‘ਮਾਰਨ’ ਦਾ ਟਰੇਲਰ ਰਿਲੀਜ਼ ਹੋਣ ਤੋਂ ਕੁਝ ਘੰਟੇ ਪਹਿਲਾਂ ਹੀ ਫਿਲਮ ਨਿਰਮਾਤਾਵਾਂ ਨੇ ਅੱਜ ਟਵਿੱਟਰ ’ਤੇ ਫਿਲਮ ਲਈ ਨਵਾਂ ਇਮੋਜੀ ਜਾਰੀ ਕੀਤਾ ਹੈ। ਫਿਲਮ ਦਾ ਨਿਰਮਾਣ ਕਰਨ ਵਾਲੀ ਫਰਮ ਸੱਤਿਆ ਜਯੋਤੀ ਫਿਲਮਜ਼ ਨੇ ਇਹ ਐਲਾਨ ਕਰਦਿਆਂ ਕਿਹਾ, ‘‘ਪਿਆਰਾ ਸਰਪਰਾਈਜ਼, ਧਨੁਸ਼ ਕੇ ਰਾਜਾ ਦੀ ‘ਮਾਰਨ’ ਲਈ ਟਵਿੱਟਰ ਇਮੋਜੀ ਅਨਲੌਕ ਕੀਤਾ ਗਿਆ।’’ ਫਿਲਮ ਦੀ ਅਦਾਕਾਰਾ ਮਾਲਵਿਕਾ ਮੋਹਨਨ ਨੇ ਵੀ ਟਵਿੱਟਰ ’ਤੇ ਫਿਲਮ ਦੇ ਇਮੋਜੀ ਨੂੰ ਰੀਟਵੀਟ ਕੀਤਾ। ਉਸ ਨੇ ਕਿਹਾ, ‘‘‘ਮਾਰਨ’- ਇੱਕ ਵਧੀਆ ਇਮੋਜੀ!’’ ਟਵਿੱਟਰ ’ਤੇ ਫਿਲਮ ਲਈ ਇਹ ਨਵਾਂ ਇਮੋਜੀ 26 ਮਈ ਤੱਕ ਐਕਟਿਵ ਰਹੇਗਾ। ਫਿਲਮ ਨਿਰਮਾਤਾ ਪਹਿਲਾਂ ਹੀ ਐਲਾਨ ਕਰ ਚੁੱਕੇ ਹਨ ਕਿ ‘ਮਾਰਨ’ ਸਿੱਧਾ ਓਟੀਟੀ ਪਲੇਟਫਾਰਮ ਡਿਜ਼ਨੀ ਪਲੱਸ ਹੌਟਸਟਾਰ ’ਤੇ ਰਿਲੀਜ਼ ਕੀਤੀ ਜਾਵੇਗੀ। ਹਾਲਾਂਕਿ, ਫਿਲਮ ਦੇ ਰਿਲੀਜ਼ ਹੋਣ ਦੀ ਮਿਤੀ ਦਾ ਐਲਾਨ ਨਹੀਂ ਕੀਤਾ ਗਿਆ ਹੈ। -ਆਈਏਐੱਨਐੱਸ
ਸਬੰਧਿਤ ਖ਼ਬਰਾਂ
