ਮੁੰਬਈ: ਬੌਲੀਵੁੱਡ ਅਦਾਕਾਰਾ ਅਤੇ ਨਿਰਦੇਸ਼ਕ ਰੇਵਤੀ ਦੀ ਅਗਲੀ ਫਿਲਮ ‘ਦਿ ਲਾਸਟ ਹੁਰਰਾ’ ਵਿੱਚ ਅਦਾਕਾਰਾ ਕਾਜੋਲ ਅਹਿਮ ਰੋਲ ਅਦਾ ਕਰੇਗੀ। ਇੱਕ ਸੱਚੀ ਕਹਾਣੀ ਅਤੇ ਅਸਲੀ ਕਿਰਦਾਰਾਂ ਤੋਂ ਪ੍ਰੇਰਿਤ ‘ਦਿ ਲਾਸਟ ਹੁਰਰਾ’ ਇੱਕ ਮਾਂ, ਸੁਜਾਤਾ ਦੀ ਕਹਾਣੀ ਹੈ, ਜੋ ਕਿ ਚੁਣੌਤੀਭਰਪੂਰ ਸਥਿਤੀਆਂ ਦਾ ਸਾਹਮਣਾ ਵੀ ਹੱਸ ਕੇ ਕਰਦੀ ਹੈ। ਇਸ ਫਿਲਮ ਦਾ ਨਿਰਮਾਣ ਬਲਾਈਵ ਪ੍ਰੋਡਕਸ਼ਨਜ਼ ਅਤੇ ਟੇਕ 23 ਸਟੂਡੀਓਜ਼ ਪ੍ਰੋਡਕਸ਼ਨ ਦੇ ਬੈਨਰ ਹੇਠ ਹੋ ਰਿਹਾ ਹੈ। ਰੇਵਤੀ ਕੌਮੀ ਪੁਰਸਕਾਰ ਜਿੱਤਣ ਵਾਲੀ ਫਿਲਮ ‘ਫਿਰ ਮਿਲੇਂਗੇ’ ਲਈ ਜਾਣੀ ਜਾਂਦੀ ਹੈ। ਉਨ੍ਹਾਂ ਦੱਸਿਆ ਕਿ ਸੁਜਾਤਾ ਦੇ ਕਿਰਦਾਰ ਲਈ ਕਾਜੋਲ ਬਿਲਕੁਲ ਸਹੀ ਪਸੰਦ ਹੈ। ਬੌਲੀਵੁੱਡ ਅਦਾਕਾਰਾ ਕਾਜੋਲ ਨੇ ਦੱਸਿਆ ਕਿ ‘ਲਾਸਟ ਹੁਰਰਾ’ ਦੀ ਕਹਾਣੀ ਸੁਣਦੇ ਹੀ ਉਹ ਇਸ ਕਿਰਦਾਰ ਨਾਲ ਜੁੜ ਗਈ ਸੀ। -ਪੀਟੀਆਈ
ਸਬੰਧਿਤ ਖ਼ਬਰਾਂ
