ਕਾਰਤਿਕ ਤੇ ਕਿਆਰਾ ਦੀ ‘ਸੱਤਿਆਪ੍ਰੇਮ ਕੀ ਕਥਾ’ ਦਾ ਟਰੇਲਰ ਰਿਲੀਜ਼

ਮੁੰਬਈ: ਬੌਲੀਵੁਡ ਅਦਾਕਾਰ ਕਾਰਤਿਕ ਆਰਿਅਨ ਤੇ ਕਿਆਰਾ ਅਡਵਾਨੀ ਦੀ ਜੋੜੀ ‘ਭੂਲ ਭੁਲੱਈਆ 2’ ਤੋਂ ਬਾਅਦ ਫਿਲਮ ‘ਸਤਿਆਪ੍ਰੇਮ ਕੀ ਕਥਾ’ ਵਿੱਚ ਨਜ਼ਰ ਆਵੇਗੀ ਤੇ ਇਸ ਫਿਲਮ ਦਾ ਅੱਜ ਟਰੇਲਰ ਜਾਰੀ ਹੋਇਆ। ਕਾਰਤਿਕ ਨੇ ਇੰਸਟਾਗ੍ਰਾਮ ‘ਤੇ ਇਸ ਫਿਲਮ ਦਾ ਟਰੇਲਰ ਵੀਡੀਓ ਨਾਲ ਅਪਲੋਡ ਕੀਤਾ ਹੈ ਜਿਸ ਦੀ ਕੈਪਸ਼ਨ ਵਿੱਚ ਉਸ ਨੇ ਲਿਖਿਆ, ‘ਸ਼ਾਇਦ ਮੈਂ ਤੁਹਾਨੂੰ ਪਿਆਰ ਕਰਨ ਤੋਂ ਇਲਾਵਾ ਕੁਝ ਹੋਰ ਕਰਨ ਲਈ ਇਸ ਦੁਨੀਆ ਵਿੱਚ ਨਹੀਂ ਆਇਆ ਹਾਂ। #ਸਤਿਆਪ੍ਰੇਮ ਕੀ ਕਥਾ ਦਾ ਟਰੇਲਰ ਜਾਰੀ।’ ਫਿਲਮ ਵਿੱਚ ਕਾਰਤਿਕ, ਕਿਆਰਾ ਨੂੰ ਵਿਆਹ ਲਈ ਰਾਜ਼ੀ ਕਰਨ ਦੇ ਯਤਨ ਕਰਦਾ ਹੈ। ਇਸ ਤੋਂ ਬਾਅਦ ਦੋਵਾਂ ਦਾ ਵਿਆਹ ਹੋ ਜਾਂਦਾ ਹੈ ਜਿਸ ਤੋਂ ਬਾਅਦ ਦੋਵੇਂ ਜਣੇ ਔਖੇ ਦੌਰ ਵਿੱਚੋਂ ਵੀ ਲੰਘਦੇ ਹਨ। ਇਸ ਟਰੇਲਰ ਦੇ ਵੀਡੀਓ ਵਿੱਚ ਗੀਤਾਂ ਦੀ ਝਲਕ ਵੀ ਦਿਖਾਈ ਗਈ ਹੈ। ਇਸ ਫਿਲਮ ਵਿੱਚ ਸੁਪ੍ਰਿਆ ਪਾਠਕ ਕਪੂਰ, ਗਜਰਾਜ ਰਾਓ, ਸਿਧਾਰਥ ਰੰਧੇਰੀਆ, ਅਨੁਰਾਧਾ ਪਟੇਲ, ਰਾਜਪਾਲ ਯਾਦਵ, ਨਿਰਮਿਤ ਸਾਵੰਤ ਅਤੇ ਸ਼ਿਖਾ ਤਲਸਾਨੀਆ ਵੀ ਹਨ। ਇਹ ਫਿਲਮ 29 ਜੂਨ ਨੂੰ ਰਿਲੀਜ਼ ਹੋਵੇਗੀ। -ਏਐੱਨਆਈ