ਮੁੰਬਈ: ਕੈਟਰੀਨਾ ਕੈਫ਼ ਅੱਜ ਆਪਣਾ 39ਵਾਂ ਜਨਮਦਿਨ ਮਨਾ ਰਹੀ ਹੈ। ਕੈਟਰੀਨਾ ਦੀ ਆਉਣ ਵਾਲੀ ਫ਼ਿਲਮ ‘ਫੋਨ ਭੂਤ’ ਦੇ ਨਿਰਮਾਤਾਵਾਂ ਨੇ ਅੱਜ ਇਸ ਖਾਸ ਦਿਨ ਮੌਕੇ ਇੱਕ ਸ਼ਾਨਦਾਰ ਵੀਡੀਓ ਸਾਂਝੀ ਕੀਤੀ ਹੈ। ਵੀਡੀਓ ਵਿੱਚ ਕੈਟਰੀਨਾ ਕੈਫ਼ ਅਦਾਕਾਰ ਇਸ਼ਾਨ ਖੱਟਰ ਅਤੇ ਸਿਧਾਂਤ ਚੁਤਰਵੇਦੀ ਨਾਲ ਰੈਪ ਕਰਦੀ ਦਿਖਾਈ ਦਿੰਦੀ ਹੈ। ਇਸ ਵੀਡੀਓ ’ਚ ਅਦਾਕਾਰਾ ਆਪਣੇੇ ਵਾਲਾਂ ਦੇ ਨਵੇਂ ਸਟਾਈਲ ’ਚ ਖੂਬ ਫੱਬ ਰਹੀ ਹੈ। ਕੈਟਰੀਨਾਂ ਦੇ ਚਾਹੁਣ ਵਾਲਿਆਂ ਨੇ ਵੀਡੀਓ ਵਿੱਚ ਸਿਰਫ਼ ਅਦਾਕਾਰਾ ਦੀ ਫ਼ਿਲਮ ਵਿਚਲੀ ਪਹਿਲੀ ਝਲਕ ਹੀ ਨਹੀਂ ਦੇਖੀ ਸਗੋਂ ਉਨ੍ਹਾਂ ਉਸ ਨੂੰ ਪਹਿਲੀ ਵਾਰ ਰੈਪ ਕਰਦਿਆਂ ਵੀ ਤੱਕਿਆ। ਵੀਡੀਓ ਦੀ ਕੈਪਸ਼ਨ ਵਿੱਚ ਲਿਖਿਆ ਗਿਆ, ‘‘ਤੁਹਾਡੀਆਂ ਅਦਾਵਾਂ ’ਚ ਕੁਝ ਖਾਸ ਹੈ। ਜਨਮ ਦਿਨ ਮੁਬਾਰਕ ਕੈਟਰੀਨਾ ਕੈਫ਼।’’ ਜਾਣਕਾਰੀ ਅਨੁਸਾਰ ‘ਫੋਨ ਭੂਤ’ ਇੱਕ ਕਾਮੇਡੀ ਫ਼ਿਲਮ ਹੈ, ਜਿਸ ਦੇ ਨਿਰਦੇਸ਼ਕ ‘ਮਿਰਜ਼ਾਪੁਰ’ ਸੀਰੀਜ਼ ਲਈ ਮਸ਼ਹੂਰ ਗੁਰਮੀਤ ਸਿੰਘ ਹਨ। ਇਸ ਫ਼ਿਲਮ ਨੂੰ ਫਰਹਾਨ ਅਖ਼ਤਰ ਅਤੇ ਰਿਤੇਸ਼ ਸਿਧਵਾਨੀ ਦੇ ਐਕਸਲ ਐਂਟਰਟੇਨਮੈਂਟ ਬੈਨਰ ਨੇ ਪ੍ਰੋਡਿਊਸ ਕੀਤਾ ਹੈ। ਇਹ ਫ਼ਿਲਮ 4 ਨਵੰਬਰ ਨੂੰ ਰਿਲੀਜ਼ ਹੋਵੇਗੀ ਅਤੇ ਇਸ ਵਿੱਚ ਜੈਕੀ ਸ਼ਰੌਫ, ਸ਼ੀਬਾ ਚੱਢਾ, ਨਿਧੀ ਬਿਸ਼ਟ ਅਤੇ ਸੁਰੇਂਦਰ ਠਾਕੁਰ ਅਹਿਮ ਭੂਮਿਕਾਵਾਂ ਵਿਚ ਹਨ। -ਆਈਏਐੱਨਐੱਸ
ਸਬੰਧਿਤ ਖ਼ਬਰਾਂ
