ਹੈਦਰਾਬਾਦ: ਅਦਾਕਾਰ ਪਵਨ ਕਲਿਆਣ ਦੀ ਨਵੀਂ ਆ ਰਹੀ ਫਿਲਮ ‘ਭੀਮਲਾ ਨਾਇਕ’ ਦੇ ਨਿਰਮਾਤਾਵਾਂ ਨੇ ਫਿਲਮ ਦੇ ਸੈੱਟ ’ਤੇ ਮੌਜੂਦ ਅਦਾਕਾਰ ਦੀ ਨਵੀਂ ਤਸਵੀਰ ਜਾਰੀ ਕੀਤੀ ਹੈ। ਫਿਲਮ ਦੇ ਨਿਰਮਾਤਾ ਸੂਰਿਆਦੇਵਰਾ ਨਾਗਾ ਵਾਮਸੀ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ’ਤੇ ਸੈੱਟ ਦੀ ਇੱਕ ਤਸਵੀਰ ਸਾਂਝੀ ਕੀਤੀ ਹੈ, ਜਿੱਥੇ ਫਿਲਮ ਦਾ ਅਮਲਾ ਇੱਕ ਪ੍ਰਮੋਸ਼ਨਲ ਗੀਤ ਦੀ ਸ਼ੂਟਿੰਗ ਕਰ ਰਿਹਾ ਹੈ। ਇਸ ਤੋਂ ਪਹਿਲਾਂ ਸੰਗੀਤ ਨਿਰਦੇਸ਼ਕ ਥਮਨ ਨੇ ਵੀ ਇਸ ਗੀਤ ਦੇ ਨਿਰਮਾਣ ਸਬੰਧੀ ਜ਼ਿਕਰ ਕੀਤਾ ਸੀ। ਹੁਣ ਪਵਨ ਕਲਿਆਣ ਦੀ ਤਸਵੀਰ ਸਾਂਝੀ ਹੋਣ ਮਗਰੋਂ ਇਸ ਗੀਤ ਦੇ ਚਰਚੇ ਹੋਰ ਤੇਜ਼ ਹੋ ਗਏ ਹਨ। ਇਸ ਤਸਵੀਰ ਵਿੱਚ ਅਦਾਕਾਰ ਗੀਤ ਦੀ ਸ਼ੂਟਿੰਗ ਦੌਰਾਨ ਨੱਚਦਾ ਦਿਖਾਈ ਦੇ ਰਿਹਾ ਹੈ। -ਆਈਏਐੱਨਐੱਸ
ਸਬੰਧਿਤ ਖ਼ਬਰਾਂ
