ਟ੍ਰਿਬਿਊਨ ਵੈੱਬ ਡੈਸਕ
ਚੰਡੀਗੜ੍ਹ, 21 ਫਰਵਰੀ
ਅਦਾਕਾਰ ਤੋਂ ਰਾਜਨੀਤੀ ਵਿਚ ਆਏ ਰਾਜ ਬੱਬਰ ਦੇ ਲੜਕੇ ਅਦਾਕਾਰ ਆਰੀਆ ਬੱਬਰ ਦੀ ਮਜ਼ਾਕ ਉਡਾਉਣ ਨੂੰ ਲੈ ਕੇ ਜਹਾਜ਼ ਦੇ ਪਾਇਲਟ ਨਾਲ ਤਿੱਖੀ ਬਹਿਸ ਹੋ ਗਈ। ਇਸ ਅਦਾਕਾਰ ਨੇ ਇਸ ਬਹਿਸ ਸਬੰਧੀ ਵੀਡੀਓ ਨੂੰ ਆਪਣੇ ਇੰਸਟਾਗਰਾਮ ਖਾਤੇ ’ਤੇ ਵੀ ਅਪਲੋਡ ਕੀਤਾ ਹੈ। ਆਰੀਆ ਵਲੋਂ ਮਜ਼ਾਕ ਕਰਨ ਬਾਰੇ ਪਤਾ ਲੱਗਣ ’ਤੇ ਗੋ ਫਸਟ ਦੇ ਪਾਇਲਟ ਨੇ ਉਸ ਨੂੰ ਕਾਕਪਿਟ ਵਿੱਚ ਸੱਦਿਆ। ਪਾਇਲਟ ਨੇ ਉਸ ਨੂੰ ਪੁੱਛਿਆ ਕਿ ਉਸ ਨੇ ਸੁਣਿਆ ਹੈ ਕਿ ਉਸ ਨੇ ਉਨ੍ਹਾਂ ਦਾ ਮਜ਼ਾਕ ਉਡਾਇਆ ਹੈ ਅਤੇ ਉਸ ਇਸ ਦੀ ਪੁਸ਼ਟੀ ਕਰਨਾ ਚਾਹੁੰਦਾ ਹੈ। ਪਾਇਲਟ ਨੇ ਆਰੀਆ ਨੂੰ ਕਿਹਾ ਕਿ ਉਸ ਨੇ ਜਹਾਜ਼ ਚਲਾਉਣ ’ਤੇ ਟਿੱਪਣੀ ਕੀਤੀ ਹੈ ਕਿ ਯੇਹ ਕਿਆ ਚਲਾਏਗਾ। ਆਰੀਆ ਨੇ ਉਸ ਨੂੰ ਦੱਸਿਆ ਕਿ ਉਸ ਨੇ ਅਜਿਹਾ ਕੁਝ ਵੀ ਨਹੀਂ ਕਿਹਾ ਪਰ ਉਸ ਨੇ ਨਾਲ ਹੀ ਪਾਇਲਟ ਨੂੰ ਕਿਹਾ ਕਿ ਉਹ ਲੋਕਾਂ ਨੂੰ ਮਜ਼ਾਕ ਕਰਨ ਤੋਂ ਕਿਵੇਂ ਰੋਕ ਸਕਦਾ ਹੈ।
